വിഷ്ണു പ്രതാപ്-
ബംഗളൂരു: പുതുവര്‍ഷ രാവില്‍ രാഷ്ട്രീയ പ്രവേശനം പ്രഖ്യാപിച്ച് തെന്നിന്ത്യന്‍ നടന്‍ പ്രകാശ് രാജ്. 2019 ലോക്‌സഭാ തെരഞ്ഞെടുപ്പില്‍ സ്വതന്ത്ര സ്ഥാനാര്‍ഥിയായി മത്സരിക്കുമെന്ന് ട്വിറ്ററിലൂടെയാണ് താരം പ്രഖ്യാപിച്ചത്. പുതുവര്‍ഷത്തില്‍ പുതിയ തുടക്കമാണെന്നും കൂടുതല്‍ ഉത്തരവാദിത്വങ്ങള്‍ ഏറ്റെടുക്കുകയാണെന്നും പുതുവര്‍ഷം ആശംസിച്ചുകൊണ്ടുള്ള ട്വീറ്റിലൂടെ പ്രകാശ് രാജ് അറിയിച്ചു.
പുതുവര്‍ഷ ആശംസകള്‍… പുതിയ തുടക്കം, കൂടുതല്‍ ഉത്തരവാദിത്വങ്ങള്‍. നിങ്ങളുടെ സഹായത്തോടെ അടുത്ത പാര്‍ലമെന്റ്് തെരഞ്ഞെടുപ്പില്‍ സ്വതന്ത്ര സ്ഥാനാര്‍ഥിയായി മത്സരിക്കും. ജനവിധി തേടുന്ന മണ്ഡലം സംബന്ധിച്ച വിശദാംശങ്ങള്‍ ഉടന്‍ അറിയിക്കുമെന്നും ട്വിറ്ററില്‍ പറയുന്നു.
Recent Comments