ഗായത്രി-
കൊച്ചി: പ്രിയ സഖാവ് സൈമണ്‍ ബ്രിട്ടോയുടെ വേര്‍പാട് ഏറെ വേദനിപ്പിച്ചതായി പത്മവ്യൂഹം സിനിമാ നിര്‍മാതാവ് സുനില്‍ ദത്ത്. ആര്‍എംസിസി പ്രൊഡക്ഷന്‍സിന് വേണ്ടി വിനീഷ് ആരാധ്യ സംവിധാനം ചെയ്ത പത്മവ്യൂഹത്തിലെ അഭിമന്യൂ എന്ന സിനിമയുമായി ബന്ധപ്പെട്ട് കഴിഞ്ഞ അഞ്ചുമാസക്കാലമായ് സഖാവിനൊപ്പം ഉണ്ടായിരുന്നതായും സുനില്‍ ദത്ത് ബിസ്സ ന്യൂസ് ഇന്ത്യയോട് പറഞ്ഞു.
മഹാരാജാസ് കോളജില്‍ കൊലചെയ്യപ്പെട്ട വിദ്യാര്‍ത്ഥി അഭിമന്യുവിന്റെ ജീവിത കഥ പറയുന്ന പത്മവ്യൂഹത്തിലെ അഭിമന്യൂ എന്ന സിനിമയുടെ ചിത്രീകരണവുമായി ബന്ധപ്പെട്ട് ഒട്ടേറെ അഭിപ്രായങ്ങളും നിര്‍ദേശങ്ങളും അദ്ദേഹം പങ്ക് വെച്ചിരുന്നു. സിനിമയുടെ സ്വിച്ചോണ്‍ കര്‍മ്മം തൃശൂര്‍ കേരളവര്‍മ്മ കോളേജില്‍ നിര്‍വ്വഹിച്ചപ്പോള്‍ മുതല്‍ ഇന്നലെവരെ ഒരുദിവസം പോലുമൊഴിയാതെ സിനിമയെകുറിച്ചുള്ള കാര്യങ്ങള്‍ നിരന്തരം അന്വേഷിക്കുകയും പല ബന്ധളെയും ഉപയോഗപ്പെടുത്തിയും അദ്ദേഹം ഈ സിനിമയുടെ സര്‍വ്വവുമായിരുന്നു. സിനിമയില്‍ ബ്രിട്ടോ, ഭാര്യ സീന, മകള്‍ നിലാവ് എന്നിവരും പ്രധാന വേഷങ്ങളില്‍ എത്തുന്നുണ്ടെന്നും സുനില്‍ ദത്ത് കൂട്ടിച്ചേര്‍ത്തു.
