എംഎം കമ്മത്ത്-
കൊച്ചി: കൊച്ചി മെട്രോ സര്‍വീസുകള്‍ പുനരാരംഭിച്ചു. അഞ്ച് മാസത്തെ ഇടവേളക്ക് ശേഷമാണ് കൊച്ചി മെട്രോയുടെ സര്‍വീസുകള്‍ പുനരാരംഭിച്ചിരിക്കുന്നത്. രാവിലെ ഏഴ് മണി മുതലാണ് സര്‍വീസുകള്‍. ബുധനാഴ്ച മുതല്‍ എല്ലാ ദിവസവും രാവിലെ 7 മുതല്‍ 12 വരെയും ഉച്ചക്ക് 2 മുതല്‍ രാത്രി ഒന്‍പതു മണി വരെയുമായിരിക്കും സര്‍വീസ് നടത്തുക. കൊവിഡ് മാനദണ്ഡങ്ങള്‍ പൂര്‍ണമായി പാലിച്ചാണ് സര്‍വീസ് നടത്തുന്നത്.
ഒന്നിടവിട്ട സീറ്റുകളില്‍ മാത്രമാണ് ഇപ്പോള്‍ ഇരിക്കാന്‍ അനുമതി. ഒരു ട്രെയിന്‍ ഒരേ സമയം 150 യാത്രക്കാര്‍ക്കാണ് യാത്ര ചെയ്യാനാവുക. കൊവിഡ് കാലമായതിനാല്‍ ഡിജിറ്റല്‍ ടിക്കറ്റിങ്ങിനാണ് പ്രാധാന്യം നല്‍കുന്നത്. നോട്ടുകള്‍ നല്‍കിയാല്‍ അണു മുക്തമാക്കാന്‍ സംവിധാനമുണ്ട്. യാത്രാക്കാരുടെ ശരീര ഊഷ്മാവ് സ്‌കാനര്‍ ഉപയോഗിച്ച് പരിശോധിക്കും. കൃത്യമായ ഇടവേളകളില്‍ ട്രയിന്‍ അണുമുക്തമാക്കും. യാത്രാ നിരക്കുകളില്‍ ഇളവുകളുണ്ട്. കൂടിയ ടിക്കറ്റ് നിരക്ക് 60 രൂപയായിരുന്നത് 50 രൂപയാക്കി കുറച്ചു.
Recent Comments