ഗായത്രി
കൊച്ചി: സപ്ലൈകോ സംഭരിക്കുന്ന നെല്ലിന്റെ വില എളുപ്പത്തില് കര്ഷകര്ക്ക് നല്കാനായി സപ്ലൈകോ പഞ്ചാബ് നാഷണല് ബാങ്കുമായി ധാരണയിലെത്തി. സി.എം.ഡി. എ.പി.എം.മുഹമ്മദ് ഹനീഷിന്റെ സാന്നിദ്ധൃത്തില് ഫൈനാന്സ് മാനേജര് പി.എസ്.അനില്, പഞ്ചാബ് നാഷണല് ബാങ്ക് സോണല് മാനേജര് വിനോദ് ജോഷി എന്നിവര് ധാരണാപത്രത്തില് ഒപ്പുവച്ചു. സപ്ലൈകോ നെല്ല് സംഭരണ വിഭാഗം മാനേജര് എന്.രഘുനാഥ്, പഞ്ചാബ് നാഷണല് ബാങ്ക് സര്ക്കിള് മേധാവി സൂസി ജോര്ജ്ജ് തുടങ്ങിയവരും സന്നിഹിതരായിരുന്നു. നെല്വില വിതരണത്തിന് സപ്ളൈകോയുമായി ധാരണയിലായ 14മത് ബാങ്കാണ് പഞ്ചാബ് നാഷണല് ബാങ്ക്. ജനുവരി 31ന് അവസാനിക്കുന്ന ഒന്നാം വിളവെടുപ്പ് കാലത്ത് ആകെ 1.42 മെട്രിക് ടണ് നെല്ലാണ് സപ്ലൈകോ ഇതുവരെ സംഭരിച്ചത്. 1.5 ലക്ഷം ടണ്ണാണ് ലക്ഷ്യം. 238 കോടി രൂപ കര്ഷകര്ക്ക് ഇതുവരെ വിതരണം ചെയ്തു.
