വിഷ്ണു പ്രതാപ്
ന്യൂഡല്‍ഹി: ആദായനികുതി വകുപ്പിന്റെ പെര്‍മനന്റ് അക്കൗണ്ട് നന്പറും(പാന്‍) ആധാറും ബന്ധിപ്പിക്കാനുള്ള അവസാന തീയതി ആഗസ്റ്റ് 31 ആണെന്നു സര്‍ക്കാര്‍ അറിയിച്ചു. സ്വകാര്യത മൗലികാവകാശമാണെന്ന സുപ്രീംകോടതി വിധി ഇക്കാര്യത്തില്‍ മാറ്റമൊന്നും വരുത്തിയിട്ടില്ലെന്നും യൂണീക് ഐഡന്റിഫിക്കേഷന്‍ അഥോറിറ്റി ഓഫ് ഇന്ത്യ(യുഐഡിഎഐ) ചീഫ് എക്‌സിക്യൂട്ടീവ് ഓഫീസര്‍ അജയ് ഭൂഷണ്‍ പാണ്ഡേ പറഞ്ഞു. ആധാര്‍ നിയമത്തെപ്പറ്റി സുപ്രീംകോടതിയുടെ വിധി ഇതുവരെ ഉണ്ടായിട്ടില്ല. ആധാര്‍ നിയമവും, ആദായ നികുതി നിയമവും ആധാരമാക്കിയാണ് പാന്‍നും-ആധാറും തമ്മില്‍ ബന്ധിപ്പിക്കാന്‍ നിര്‍ദേശം ഉണ്ടായത്.
