നിസാന്‍ മാഗ്‌നൈറ്റിന്റെ വില കൂട്ടി

നിസാന്‍ മാഗ്‌നൈറ്റിന്റെ വില കൂട്ടി

വിഷ്ണു പ്രതാപ്-
ന്യൂഡല്‍ഹി: നിസാന്‍ന്റെ സബ് കോംപാക്റ്റ് എസ്.യു.വി. വിഭാഗത്തിലുള്ള നിസാന്‍ മാഗ്‌നൈറ്റിന് വില കൂട്ടുന്നു. ഇത് ഇപ്പോള്‍ രണ്ടാം തവണയാണ് മാഗ്‌നൈറ്റിന് നിസാന്‍ വില കൂട്ടുന്നത്. മാഗ്‌നൈറ്റ് ടര്‍ബോ എന്‍ജിനുകളുടെ വിലയാണ് 30,000 വരെയായി വര്‍ദ്ധിപ്പിച്ചിരിക്കുന്നത്. ഇതോടെ 7.29 ലക്ഷം മുതല്‍ 9.79 ലക്ഷം രൂപ വരെയാണ് മാഗ്‌നൈറ്റ് ടര്‍ബോ മോഡലിന്റെ എക്‌സ്‌ഷോറൂം വില.
XE, XL, XV, XV പ്രീമിയം എന്നീ നാല് വേരിയന്റുകളിലാണ് ഈ വാഹനം എത്തുന്നത്. 71 ബി.എച്ച്.പി പവറും 96 എന്‍.എം. ടോര്‍ക്കുമുള്ള 1.0 ലിറ്റര്‍ പെട്രോള്‍ എന്‍ജിനിലും, 99 ബി.എച്ച്.പി പവറും 160 എന്‍.എം ടോര്‍ക്കുമുള്ള 1.0 ലിറ്റര്‍ ടര്‍ബോ പെട്രോള്‍ എന്‍ജിനുമാണ് മാഗ്‌നൈറ്റിന് ഉള്ളത്. അഞ്ചു സ്പീഡ് മാനുവല്‍ ഗിയര്‍, എക്‌സ് ട്രോണിക് സി.വി.ടി. (ഓട്ടമാറ്റിക്) ഗീയര്‍ബോക്‌സുകളാണു ട്രാന്‍സ്മിഷന്‍. എയര്‍ പ്യൂരിഫയര്‍, വയര്‍ലസ് ചാര്‍ജര്‍, ആംബിയന്റ് മൂഡ് ലൈറ്റിംഗ്, പഡില്‍ ലാംപുകള്‍, ഹൈ എന്‍ഡ് സ്പീക്കറുകള്‍ എന്നിവയാണ് ഇവയില്‍ ഉള്ളത്.

Post Your Comments Here ( Click here for malayalam )
Press Esc to close
All rights reserved © BizNewsIndia.Com | site maintained by : HEDONE SERVICES