ഗള്ഫിലെ മലയാളി പ്രവാസികളുടെ ഇത്തവണത്തെ ഓണം കെങ്കേമമാക്കാന് പ്രത്യേക ചരക്കുവിമാനങ്ങളുമായി ലുലു ഗ്രൂപ്പ്. നാടന് ഓണസദ്യയ്ക്കുള്ള പഴങ്ങളും പച്ചക്കറികളും വാഴയിലയുമടക്കം വന് വിഭവ ശേഖരവുമായാണ് ലുലുവിന്റെ പ്രത്യേക കാര്ഗോ വിമാനങ്ങള് കൊച്ചിയില് നിന്നും ഗള്ഫ് നാടുകളിലേക്ക് സര്വീസ് നടത്തുന്നത്.
പ്രധാന വിവരങ്ങള് ഒറ്റനോട്ടത്തില്:
45 ടണ് വിഭവങ്ങളുമായി ആദ്യ വിമാനം: കൊച്ചി അന്താരാഷ്ട്ര വിമാനത്താവളത്തില് നിന്ന് നാഷനല് എയര്ലൈന്സിന്റെ ആദ്യ കാര്ഗോ വിമാനം 45 ടണ് വിഭവങ്ങളുമായി ഇന്നലെ പറന്നുയര്ന്നു.
അടുത്ത വിമാനത്തില് 60 ടണ്: ഓണവിപണി ലക്ഷ്യമിട്ട് 60 ടണ് ഭക്ഷ്യവസ്തുക്കളുമായി രണ്ടാമത്തെ വിമാനവും സര്വീസ് നടത്തും.
3 ലക്ഷത്തിലധികം ഉല്പ്പന്നങ്ങള്: ലുലു ഫെയര് എക്സ്പോര്ട്ടിന്റെ നേതൃത്വത്തില് മൂന്ന് ലക്ഷത്തിലധികം പഴംപച്ചക്കറികളാണ് ജി.സി.സി രാജ്യങ്ങളിലെ ലുലു സ്റ്റോറുകളില് എത്തിക്കുന്നത്.
‘പ്രവാസികള്ക്ക് നാട്ടിലെ അതേ രുചിയിലും പുതുമയിലും ഓണസദ്യ ലഭിക്കുന്നുണ്ടെന്ന് ഉറപ്പാക്കാനാണ് ഈ പ്രത്യേക ക്രമീകരണം.’ എന്ന്
ലുലു ഗ്രൂപ്പ് ചെയര്മാന്, എം.എ. യൂസഫലി അറിയിച്ചു.
ഗള്ഫ് നാടുകളിലെ ലുലു ഹൈപ്പര്മാര്ക്കറ്റുകളില് ഓണവിപണി സജീവമായതോടെ, പ്രവാസികള്ക്ക് നാട്ടില് പോകാതെ തന്നെ നാടന് ഓണസദ്യ ഉണ്ണാനുള്ള സൗകര്യമാണ് ഒരുങ്ങിയിരിക്കുന്നത്.
