കേരളത്തിലെ ലൈഫ് ഇന്ഷുറന്സ് മേഖലയില് മികച്ച മുന്നേറ്റവുമായി ഐസിഐസിഐ പ്രൂഡന്ഷ്യല് ലൈഫ് ഇന്ഷുറന്സ്. സമീപകാലത്തെ കണക്കുകള് പ്രകാരം സംസ്ഥാനത്ത് 68.96 ശതമാനത്തിന്റെ മികച്ച വളര്ച്ചയാണ് കമ്പനി കൈവരിച്ചിരിക്കുന്നത്. ആളുകള്ക്കിടയില് സാമ്പത്തിക സുരക്ഷിതത്വത്തെക്കുറിച്ചും ഇന്ഷുറന്സ് നിക്ഷേപങ്ങളെക്കുറിച്ചുമുള്ള ബോധവല്ക്കരണം വര്ധിച്ചതാണ് ഈ നേട്ടത്തിന് പ്രധാന കാരണമായത്.
വ്യക്തികളുടെ വിവിധ സാമ്പത്തിക ആവശ്യങ്ങള്ക്കനുസരിച്ച് രൂപകല്പ്പന ചെയ്ത ഇന്ഷുറന്സ്, പെന്ഷന് പ്ലാനുകള് അവതരിപ്പിച്ചതും, പേപ്പര്രഹിത ഡിജിറ്റല് സേവനങ്ങളിലേക്ക് മാറിയതും ഈ വളര്ച്ചയ്ക്ക് കരുത്തേകി. ബാങ്ക് പങ്കാളികള്, ഏജന്റുമാര്, ഡിജിറ്റല് പ്ലാറ്റ്ഫോമുകള് എന്നിവ അടങ്ങുന്ന ശക്തമായ വിതരണ ശൃംഖല വഴിയും തടസ്സമില്ലാത്ത ക്ലെയിം തീര്പ്പാക്കല് പ്രക്രിയയിലൂടെയും സംസ്ഥാനത്തുടനീളം വലിയൊരു ഉപഭോക്തൃ അടിത്തറ സൃഷ്ടിക്കാന് കമ്പനിക്ക് സാധിച്ചു.
ഉയര്ന്ന സാക്ഷരതയും സാമ്പത്തിക അവബോധവുമുള്ള കേരളം ഇന്ഷുറന്സ് മേഖലയെ സംബന്ധിച്ച് ഏറ്റവും നിര്ണായകമായ വിപണികളിലൊന്നാണ്. പ്രവാസി മലയാളികളുടെ സാന്നിധ്യവും ദീര്ഘകാല നിക്ഷേപങ്ങളോടുള്ള താല്പര്യവും ഈ മേഖലയുടെ വളര്ച്ചയില് വലിയ പങ്കുവഹിക്കുന്നുണ്ട്. സാമ്പത്തിക ഭദ്രത ഉറപ്പാക്കുന്നതിനൊപ്പം ഭാവിയിലേക്കുള്ള സമ്പാദ്യം കെട്ടിപ്പടുക്കാനും ആളുകള് ഇന്ഷുറന്സിനെ ഒരു പ്രധാന മാര്ഗ്ഗമായി കാണുന്നുവെന്നാണ് ഈ മികച്ച സാമ്പത്തിക നേട്ടം വ്യക്തമാക്കുന്നത്. ആധുനിക സാങ്കേതികവിദ്യകളുടെ സഹായത്തോടെ ലളിതവും സുതാര്യവുമായ സേവനങ്ങള് നല്കി കേരളത്തില് പ്രവര്ത്തനം കൂടുതല് വിപുലീകരിക്കാനാണ് ഐസിഐസിഐ പ്രൂഡന്ഷ്യല് ലക്ഷ്യമിടുന്നത്.
