സംസ്ഥാനത്ത് ഇന്ധനവില കൂടി

ഫിദ-
കൊച്ചി: സംസ്ഥാനത്ത് ഇന്ധനവില വീണ്ടും കൂടി. കൊച്ചിയില്‍ പെട്രോള്‍ വില 82 രൂപ പിന്നിട്ടപ്പോള്‍ തിരുവനന്തപുരത്ത് 83 രൂപ പിന്നിട്ടു മുന്നേറുകയാണ്. ഇന്നലെ മാത്രം പെട്രോളിനു 11 പൈസയുടെ വര്‍ധനയാണുണ്ടായത്. ഡീസല്‍ വിലയില്‍ മാറ്റമുണ്ടായിട്ടില്ല. കൊച്ചിയില്‍ പെട്രോള്‍ വില 82.09 രൂപയായപ്പോള്‍ ഡീസല്‍ വില 77.75 രൂപയാണ്. തിരുവനന്തപുരത്ത് പെട്രോള്‍ വില 83.56 രൂപയും ഡീസല്‍ വില 79.13 രൂപയുമാണ്. രാജ്യാന്തര വിപണിയില്‍ അസംസ്‌കൃത എണ്ണ വില ബാരലിന് 45 ഡോളറായി തുടരുന്നതിനിടെയാണ് ഇന്ധനവില വര്‍ധന തുടരുന്നത്.