പുതിയ കാല്‍വെപ്പുമായി ക്യുബ്‌സ് ഇന്റര്‍നാഷണല്‍

പുതിയ കാല്‍വെപ്പുമായി ക്യുബ്‌സ് ഇന്റര്‍നാഷണല്‍

കൊച്ചി: ജോഷി സംവിധാനം ചെയ്യുന്ന ‘പാപ്പന്‍’ എന്ന ചിത്രത്തിലൂടെ ക്യുബ്‌സ് ഇന്റര്‍നാഷണല്‍ മലയാള ചലച്ചിത്ര നിര്‍മ്മാണ രംഗത്തേക്ക്. സുരേഷ് ഗോപിയുടെ ശക്തമായ കഥാപാത്രവുമായി എത്തുന്ന ചിത്രത്തില്‍ മലയാളത്തിലെ പ്രമുഖ അഭിനേതാക്കളുടെ നീണ്ട നിരയാണ് അണിനിരക്കുന്നത്. വലിയ ക്യാന്‍വാസില്‍ ഒരുങ്ങുന്ന സൂപ്പര്‍ സ്റ്റാര്‍ ചിത്രത്തില്‍ ഡേവിഡ് കാച്ചപ്പിള്ളിക്കൊപ്പം ചേര്‍ന്നാണ് നിര്‍മ്മാണം.
ജോഷിയുടെ കഴിഞ്ഞ ചിത്രമായ ‘പൊറിഞ്ചു മറിയം ജോസ്’ ബ്ലോക്ക് ബസ്റ്റര്‍ ആയിരുന്നു. ലോജിസ്റ്റിക്, കണ്‍സ്ട്രക്ഷന്‍, ട്രെഡിങ്, ഭക്ഷ്യവ്യാപാര രംഗത്തെ എണ്ണം പറഞ്ഞ കമ്പനിയാണ് ക്യുബ്‌സ് ഇന്റര്‍നാഷണല്‍. തൃശൂര്‍ ജില്ലയിലെ തളിക്കുളത്തു ജനിച്ചു വളര്‍ന്നു ഇപ്പോള്‍ എറണാകുളത്തു സ്ഥിരതാമസമാക്കിയ ഷെരീഫ് മുഹമ്മദ് ആണ് ക്യുബ്‌സ് ഇന്റര്‍നാഷണലിനെ നയിക്കുന്നത്.
ദുബൈയിലും ഖത്തറിലും ഇന്ത്യയിലും ആയി ഏഴു കമ്പനികളിലായി നിക്ഷേപമുള്ള ഈ കമ്പനി മലയാളത്തില്‍ മാത്രമല്ല തമിഴ്, തെലുങ്ക്, ഹിന്ദി ഭാഷകളിലും ചിത്രങ്ങള്‍ നിര്‍മ്മിക്കാനും വിതരണം ചെയ്യാനും ഉള്ള പദ്ധതികളില്‍ ആണെന്ന് ശ്രീ ഷെരീഫ് മുഹമ്മദ് വ്യക്തമാക്കി.
നല്ല സിനിമകളുടെ ഭാഗമായി മലയാള സിനിമയെ ലോക നിലവാരത്തില്‍ എത്തിക്കാനും വിദേശ വിപണിയില്‍ ശക്തമായ സാന്നിധ്യം ആക്കാനുള്ള നിരവധി സൂപ്പര്‍ പ്രൊജക്റ്റുകള്‍ കമ്പനിയുടെ പരിഗണനയില്‍ ആണ്.

Post Your Comments Here ( Click here for malayalam )
Press Esc to close
All rights reserved © BizNewsIndia.Com | site maintained by : HEDONE SERVICES