‘അരികില്‍’ ടൈറ്റില്‍ പ്രകാശനം മോഹന്‍ലാല്‍ നിര്‍വ്വഹിച്ചു

‘അരികില്‍’ ടൈറ്റില്‍ പ്രകാശനം മോഹന്‍ലാല്‍ നിര്‍വ്വഹിച്ചു

നവാഗതനായ രജീഷ് രാജന്‍ തിരക്കഥ രചിച്ച് സംവിധാനം ചെയ്യുന്ന അരികില്‍ എന്ന ചിത്രത്തിന്റെ ടൈറ്റില്‍ പ്രകാശനം മോഹന്‍ലാല്‍ നിര്‍വ്വഹിച്ചു.

ലൂസിഫര്‍, ഗുമസ്തന്‍, ആഘോഷം തുടങ്ങിയ ചിത്രങ്ങളിലൂടെ ശ്രദ്ധേയനായ ജെയ്‌സ് ജോസ് കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രം അവതരണത്തിലും കഥയിലും വലിയ പ്രത്യേകതകള്‍ നിറഞ്ഞതാണ്.

‘തികഞ്ഞ ഒരു പരീക്ഷണ ചിത്രമെന്നാണ് സംവിധായകന്‍ ഈ ചിത്രത്തേക്കുറിച്ച് പറഞ്ഞത്’

സ്‌നേഹം പറയാനോ, പ്രകടിപ്പിക്കുവാനോ ശീലിച്ചിട്ടില്ലാത്ത ഗൗരവ സ്വഭാവക്കാരനായ ഒരു മനുഷ്യന്റെ ജീവിതത്തിലൂടെയാണ് ചിത്രത്തിന്റെ കഥാ പുരോഗതി.
സ്‌നേഹം മാത്രം മനസ്സിലുളള ഭാര്യയുടെ ആ സ്‌നേഹം പോലും തിരിച്ചറിയുവാന്‍ ഇദ്ദേഹത്തിനു കഴിഞ്ഞില്ല.
ചില പ്രത്യേക സാഹചര്യങ്ങള്‍ അദ്ദേഹത്തെ ഒറ്റപ്പെട്ട ജീവിതത്തിലെത്തിച്ചു.
ഈ ഒറ്റപ്പെട്ട ജീവിതത്തിനിടയിലാണ് ചില സത്യങ്ങള്‍ അദ്ദേഹത്തിനു തിരിച്ചറിയുവാന്‍ കഴിഞ്ഞത്.
ഈ തിരിച്ചറിവുകള്‍ അകന്നുപോയവരെ അരികിലേക്ക് എത്താന്‍ ആഗ്രഹമുദിക്കുകയും ചെയ്തു. ഈ സംഭവങ്ങളാണ് ഹൃദ്യമായ മുഹൂര്‍ത്തങ്ങളിലൂടെ ‘അരികില്‍’ എന്ന ചിത്രത്തിലൂടെ അവതരിപ്പിക്കുന്നത്.

ചിത്രത്തിലെ കേന്ദ്ര കഥാപാത്രമായ മാധവന്‍ നായര്‍ എന്ന കഥാപാത്രത്തെ ജെയ്‌സ് ജോസ് ഭദ്രമാക്കുന്നു.

ഡാഡീസ് ഡ്രീം എന്റെര്‍ടൈന്‍മെന്റിന്റെ ബാനറില്‍ നിര്‍മ്മിക്കുന്ന ഈ ചിത്രത്തിന്റെ കോ പ്രൊഡക്ഷന്‍ സിജി ഗ്രൂപ്പാണ്.

ശ്രീജിത്ത് ഇടവനയാണ് സംഗീതം പകര്‍ന്നിരിക്കുന്നത്. ഛായാഗ്രഹണം- സിബി ജോസഫ്, എഡിറ്റിംഗ്- സുജീര്‍ ബാബു സുരേന്ദ്രന്‍, പ്രൊജക്റ്റ് ഡിസൈനര്‍- ഷാജു സെബാസ്റ്റ്യന്‍, കലാ സംവിധാനം- മോഹന്‍ദാസ്, കോസ്റ്റിയം ഡിസൈന്‍- ഷാജു സെബാസ്‌റ്യന്‍, മേക്കപ്പ്- മാളു എസ്., പ്രൊഡക്ഷന്‍ കണ്‍ട്രോളര്‍- രാജേഷ് കെ മത്തായി.

നവംബര്‍ ഇരുപത്തിയൊന്നു മുതല്‍ ഈ ചിത്രത്തിന്റെ ചിത്രീകരണം വടക്കഞ്ചേരി, പാലക്കാട് ഭാഗങ്ങളിലായി പൂര്‍ത്തിയാകും.
– വാഴൂര്‍ ജോസ്.
Online PR – CinemaNewsAgency.Com

 

Post Your Comments Here ( Click here for malayalam )
Press Esc to close