രാംനാഥ് ചാവ്ല
വാട്സ്ആപ്പ് ഫോര് ബിസിനസ് ഇനി ഇന്ത്യയിലും. സംശയിക്കേണ്ട, സംഭവം അതുതന്നെ നമ്മുടെ ഫോണിലുള്ള വാട്സ്ആപ്പിന്റെ ബിസിനസ് പതിപ്പാണ് വാട്സ്ആപ്പ് ഫോര് ബിസിനസ്. യുഎസ്, യുകെ, ഇറ്റലി, ഇന്തോനേഷ്യ, മെക്സിക്കോ എന്നിവിടങ്ങളിലാണ് ആദ്യഘട്ടത്തില് വാട്സ്ആപ് ഫോര് ബിസിനസ് അവതരിപ്പിച്ചത്. ഏറ്റവുമധികം വാട്സ്ആപ് ഉപയോക്താക്കളുള്ള ഇന്ത്യയിലേക്ക് കഴിഞ്ഞ ആഴ്ചയാണ് പുതിയ ആപ് എത്തിയത്.
ചെറുതും വലുതുമായ ബിസിനസ് സ്ഥാപനങ്ങളെ ലക്ഷ്യമാക്കിയാണ് വാട്സ്ആപ്പ് പുതിയ പതിപ്പ് പുറത്തിറക്കിയിരിക്കുന്നത്. വിശേഷ ദിവസങ്ങളില് ജ്വല്ലറിയില്നിന്നോ ബില്ഡിംഗ് കമ്പനികളില് നിന്നോ ആശംസകള് വരാറില്ലേ., ഇനി അത് വാട്സ്ആപ്പിലൂടെയായിരിക്കും വരിക. പുതിയ ഓഫറുകള് അറിയിക്കാനും ആശംസകള് നേരാനും സ്ഥാപനവുമായി ബന്ധപ്പെട്ട ഉത്പന്നത്തെക്കുറിച്ചുള്ള വിവരങ്ങള് ഉപയോക്താക്കള്ക്ക് നല്കാനും വാട്സ്ആപ്പ് ഫോര് ബിസിനസ് സഹായിക്കും.