വിഷ്ണു പ്രതാപ്
പുതിയ ഫീച്ചറുമായി വാട്സ് ആപ്പ് വീണ്ടും. അയച്ച സന്ദേശങ്ങള് ഡിലീറ്റ് ചെയ്യാനുള്ള ഫീച്ചറാണ് വാട്ട്സ്ആപ്പ് ഒരുക്കാന് പോകുന്നത്. ഡെലിവറി ആയാലും ഡിലീറ്റ് ചെയ്യാന് സാധിക്കും. പക്ഷെ, അത് സ്വീകര്ത്താവ് തുറന്നു വായിച്ച് കഴിഞ്ഞാല് പിന്നെ പിന്വലിക്കാന് സാധ്യമല്ല. വാട്ട്സ്ആപ്പിന്റെ ഈ ഫീച്ചര് ഉപകാരപ്രദമായ ഒന്നാണെങ്കിലും ഇപ്പോള് പൊതുജനങ്ങള്ക്ക് ലഭിക്കാന് സാധ്യതയില്ല. ഈ ഫീച്ചര് ആദ്യം എത്തുക ഫെയ്സ്ബുക്ക് മെസഞ്ചറിലായിരിക്കുമെന്ന സൂചനയുണ്ട്. അതിന് ശേഷം മാത്രമായിരിക്കും വാട്ട്സ്ആപ്പിലേക്ക് ഇത് ചേര്ക്കുക.
ആന്ഡ്രോയിഡിലും ഐഒഎസിലും ഈ ഫീച്ചര് ഉണ്ടായിരിക്കും. നോട്ടിഫിക്കേഷനുകളില്നിന്നും മെസേജ് നീക്കം ചെയ്യപ്പെടുമെന്നതാണ് ഏറ്റവും വലിയ പ്രത്യേകത. നമുക്ക് ലഭിക്കുന്ന മെസേജുകളുടെ ഒരു പ്രിവ്യു നോട്ടിഫിക്കേഷന്സിലുണ്ടാകും. മെസേജ് ഡിലീറ്റ് ചെയ്യപ്പെടുകയാണെങ്കില് നോട്ടിഫിക്കേഷനില്നിന്നും നീക്കം ചെയ്യുകയും സ്വീകര്ത്താവിന് ഒരു കാരണവശാലും കാണാന് സാധിക്കുകയുമില്ല.