ഫിദ-
തിരു: സംസ്ഥാനത്ത് കുപ്പിവെള്ളത്തിന്റെ വില 13 രൂപയായി നിജപ്പെടുത്തി. 13 രൂപയില് കൂടുതല് ഈടാക്കുന്നവര്ക്കെതിരെ നടപടി സ്വീകരിക്കുമെന്നും വില നിയന്ത്രണം നിലവില് വന്നതായും സര്ക്കാര് അറിയിച്ചു.
ഇതു സംബന്ധിച്ച് വിജ്ഞാപനം ഇറങ്ങിയതിനുശേഷം പരിശോധനകള് കര്ശനമാക്കും. ബിഐഎസ് നിഷ്കര്ഷിക്കുന്ന ഗുണനിലവാരമുള്ള കുപ്പിവെള്ളം മാത്രമേ സംസ്ഥാനത്ത് വില്ക്കാന് പാടുള്ളൂ.
പലരും ഇഷ്ടമുള്ള വിലക്ക് കുപ്പിവെള്ളം വില്ക്കുന്നുവെന്ന വ്യാപക പരാതിയെ തുടര്ന്നാണ് 13 രൂപയാക്കിക്കൊണ്ടുള്ള സര്ക്കാര് തീരുമാനം വന്നത്. അനധികൃത കുടിവെള്ള പ്ലാന്റുകളെ നിയന്ത്രിക്കാനും സര്ക്കാര് ആലോചിക്കുന്നുണ്ട്.