വോഡഫോണിന്റെ ഈ പ്രീപെയ്ഡ് പ്ലാനുകളില്‍ ഇരട്ടി ഡാറ്റ

വോഡഫോണിന്റെ ഈ പ്രീപെയ്ഡ് പ്ലാനുകളില്‍ ഇരട്ടി ഡാറ്റ

ഫിദ-
കൊച്ചി: ഡിസംബറില്‍ താരിഫ് നിരക്ക് ഉയര്‍ത്തിയതിന് ശേഷം രാജ്യത്തെ മുന്‍നിര ടെലികോം കമ്പനികളായ വോഡഫോണ്‍ ഐഡിയ, എയര്‍ടെല്‍, ജിയോ എന്നിവ കടുത്ത മത്സരത്തിലാണ്. ഒന്നിനൊന്ന് മികച്ച ആനൂകൂല്യങ്ങളോടെയാണ് കമ്പനികള്‍ വിവിധ താരിഫ് പ്ലാനുകള്‍ അവതരിപ്പിച്ചിരിക്കുന്നത്.
അടുത്തിടെ ചില പ്ലാനുകള്‍ക്ക് ഇരട്ടി ഡാറ്റ വാഗ്ദാനം ചെയ്യുന്ന പ്രത്യേക പ്ലാനുകള്‍ വോഡഫോണ്‍ ഐഡിയ അവതരിപ്പിച്ചിരുന്നു. 249 രൂപ, 399 രൂപ, 599 രൂപ എന്നീ പ്ലാനുകളിലാണ് ഈ ആനുകൂല്യം ബാധകമാവുക.
പ്രതിദിനം 1.5 ജിബി ഡാറ്റ ലഭിക്കുന്ന ഒരു റീച്ചാര്‍ജ് പ്ലാനില്‍ പുതിയ ഓഫര്‍ അനുസരിച്ച് മൂന്ന് ജിബി ഡാറ്റ ദിവസേന ലഭിക്കും. ഇക്കാരണം കൊണ്ട് പ്ലാനുകളുടെ വില കൂടില്ല. വോഡഫോണ്‍ ഉപയോക്താക്കള്‍ക്ക് കൂടുതല്‍ ഡാറ്റ ആനുകൂല്യം കുറഞ്ഞ നിരക്കില്‍ ആസ്വദിക്കാനുള്ള നല്ല ഒരു അവസരം കൂടിയാണിത്. ഹ്രസ്വകാലത്തേക്ക് മാത്രമേ ഈ ഓഫര്‍ ലഭിക്കുകയുള്ളൂ.
249 രൂപയുടെ പ്ലാന്‍ 1.5 ജിബി ഡാറ്റയാണ് നേരത്തെ വാഗ്ദാനം ചെയ്തിരുന്നത്. പുതിയ ഓഫറില്‍ പ്രതിദിനം മൂന്ന് ജിബി ഡാറ്റ ഈ റീച്ചാര്‍ജില്‍ ലഭിക്കും. ഈ പ്ലാനില്‍ നേരത്തെ ലഭിച്ചിരുന്ന അണ്‍ലിമിറ്റഡ് കോള്‍ സൗകര്യവും 28 ദിവസത്തെ വാലിഡിറ്റിയില്‍ ഉപയോഗിക്കാം.
349 രൂപയുടെ പ്ലാനിലും 1.5 ജിബി പ്രതിദിന ഡാറ്റയ്ക്ക് പകരം ദിവസേന 3 ജിബി ഡാറ്റ ഉപയോഗിക്കാനാവും. 56 ദിവസമാണ് ഈ പ്ലാനിന്റെ വാലിഡിറ്റി. മറ്റ് ആനുകൂല്യങ്ങളും മാറ്റമില്ലാതെ തുടരും. 84 ദിവസം വാലിഡിറ്റിയുള്ള 599 രൂപയുടെ പ്ലാനിലും ഇതേ മാറ്റമാണ് ഉണ്ടാവുക.
പഴയ നിരക്കില്‍ തന്നെ കൂടുതല്‍ ഡാറ്റ ലഭിക്കുന്നതിനാല്‍ ഇത് വോഡഫോണ്‍ പ്രീപെയ്ഡ് ഉപയോക്താക്കള്‍ക്കുള്ള സുവര്‍ണാവസരമാണ്.

Post Your Comments Here ( Click here for malayalam )
Press Esc to close
All rights reserved © BizNewsIndia.Com | site maintained by : HEDONE SERVICES