ഗായത്രി-
ആരാധകരുടെ ഏറെ നാളത്തെ കാത്തിരിപ്പിനൊടുവില് കമലഹാസന് ചിത്രം വിശ്വരൂപം 2 തിയറ്ററുകളിലെക്ക്. ഓഗസ്റ്റ് 10 നാണ് ചിത്രം റിലീസ് ചെയ്യുന്നത്. ഹിന്ദി, തമിഴ്, തെലുങ്ക് ഭാഷകളില് ഒരേ സമയമാണ് റിലീസ്. പൊളിറ്റിക്കല് സ്പൈ ത്രില്ലറായ ചിത്രത്തില് രാഹുല് ബോസ്, പൂജ കുമാര്, ആന്ഡ്രിയ ജെര്മിയ, ശേഖര് കപൂര്, വഹീദ റഹ്മാന്, നാസര്, ആനന്ദ് മാധവന് തുടങ്ങിയവരാണ് പ്രധാന താരങ്ങള്.
ചിത്രത്തിന്റെ തിരക്കഥയും സംവിധാനവും നിര്വഹിച്ചിരിക്കുന്നത് കമലഹാസന് തന്നെയാണ്. സംവിധായകന് രോഹിത് ഷെട്ടിയും റിലയന്സ് എന്റര്ടെയ്ന്മെന്റും ചേര്ന്നാണ് വിശ്വരൂപം 2 ഹിന്ദിയില് അവതരിപ്പിക്കുന്നത്. മുസ്ലിം വിരുദ്ധ പരാമര്ശം ഉണ്ടെന്ന ചില സംഘടനകളുടെ ആരോപണത്തെത്തുടര്ന്ന് ചിത്രത്തിന്റെ ആദ്യ ഭാഗം വിവാദങ്ങള് സൃഷ്ടിച്ചിരുന്നു. ഷങ്കര് സംവിധാനം ചെയ്യുന്ന ഇന്ത്യന് 2 ആണ് കമലിന്റെ അടുത്ത പ്രോജക്ട്.