അളക ഖാനം-
മനാമ: നയതന്ത്ര, സ്‌പെഷല്‍ പാസ്‌പോര്‍ട്ടുകള്‍ക്ക് വിസ ഇളവ് നല്‍കുന്നതിന് ഇന്ത്യയും ബഹ്‌റൈനും തമ്മിലുള്ള കരാര്‍ നടപ്പാക്കിത്തുടങ്ങി. നയതന്ത്ര ബന്ധവും സഹകരണവും ശക്തമാക്കുന്നതിന്റെ ഭാഗമായിട്ടാണ് നേരത്തെ കരാര്‍ ഒപ്പിട്ടത്. ഈ വര്‍ഷം ജൂലൈ 15ന് ഒപ്പുവെച്ച കരാര്‍ കഴിഞ്ഞ ദിവസം മുതലാണ് പ്രാബല്യത്തിലായത്. ബഹ്‌റൈനും ഇന്ത്യക്കുമിടയില്‍ ബന്ധം ശക്തമാകാനും നിക്ഷേപ സംരംഭങ്ങള്‍ വര്‍ധിക്കാനും ഇത് വഴിയൊരുക്കുമെന്ന് പ്രതീക്ഷിക്കുന്നതായി വിദേശ കാര്യ മന്ത്രാലയം വ്യക്തമാക്കി.
