മംഗലശ്ശേരി മൂവീസിന്റെ ബാനറില്‍ മോഹന്‍ കുറുപ്പ് നിര്‍മ്മിച്ച് മനീഷ് കുറുപ്പ് സംവിധാനം ചെയ്യുന്ന ‘വെള്ളരിക്കാപ്പട്ടണം’ എന്ന ചിത്രത്തിലെ ‘ഓടും കുതിര ചാടും കുതിര…’ എന്നാരംഭിക്കുന്ന രസകരമായ പ്രൊമോഷന്‍ സോങ്ങ് ജനശ്രദ്ധ നേടി.
മാതൃഭൂമി മ്യൂസിക് സോങ്ങ്‌സ് ആണ് ഈ ഗാനം റിലീസ് ചെയ്തത്. പ്രശസ്ത സിനിമാ സംവിധായകന്‍ വിനയന്‍ തന്റെ ഫേസ്ബുക്ക് പേജിലൂടെയാണ് ഈ ഗാനം പുറത്തു വിട്ടത്.
സിനിമാ സംവിധായകന്‍ വിനയന്‍ തന്റെ ഫേസ്ബുക്കില്‍ കുറിച്ചതിങ്ങനെ…
‘വെള്ളരിക്കാപ്പട്ടണം’ സിനിമയുടെ പുതിയ ഗാനം ഇവിടെ റിലീസ് ചെയ്യുന്നു.
സിനിമയിലേക്കു കടന്നു വരുന്ന പുതിയ കലാകാരന്മാരെ നമ്മള്‍ പ്രോത്സാഹിപ്പിക്കണം…
പ്രിയമുള്ള മനീഷ് കുറുപ്പിനും ‘വെള്ളരിക്കാപ്പട്ടണം’ ടീമിനും ആശംസകള്‍….’
ഈ ചിത്രത്തിലെ അഞ്ച് പാട്ടുകളില്‍ രണ്ട് പാട്ടുകള്‍ പ്രശസ്ത ഗാനരചയിതാവ് കെ. ജയകുമാറും മൂന്ന് പാട്ടുകള്‍ സംവിധായകന്‍ മനീഷ് കുറുപ്പുമാണ് രചിച്ചിരിക്കുന്നത്.
ഇതിന് മുന്‍പ് പുറത്തുവിട്ട ഗാനങ്ങള്‍ ഇതിനോടകം സംഗീതാസ്വാദകരുടെ മനം കവര്‍ന്നുകഴിഞ്ഞു. സോഷ്യല്‍മീഡിയയില്‍ തരംഗമായി ആ ഗാനങ്ങള്‍ ഇപ്പോഴും നിറഞ്ഞുനില്‍ക്കുകയാണ്.
ജീവിതഗന്ധിയായ പ്രമേയമൊരുക്കിയ ചിത്രമാണ് ‘വെള്ളരിക്കാപ്പട്ടണം’. സമൂഹത്തില്‍ നിന്ന് നഷ്ടമായിക്കൊണ്ടിരിക്കുന്ന മൂല്യങ്ങളെ ചിത്രം ചൂണ്ടിക്കാട്ടുകയാണ്.
പരാജയങ്ങളെ ജീവിത വിജയങ്ങളാക്കി മാറ്റുന്ന അതിജീവനത്തിന്റെ കഥയാണ് ‘വെള്ളരിക്കാപ്പട്ടണം’ പറയുന്നത്.
കൃഷിയും അനുബന്ധ പ്രവര്‍ത്തനങ്ങളിലൂടെയുമാണ് ചിത്രത്തിന്റെ കഥ വികസിക്കുന്നത്. പക്ഷേ കൃഷി മാത്രമല്ല സിനിമ പറയുന്നത്, ചെറുപ്പക്കാരുടെ സ്വതന്ത്ര ചിന്താഗതിയും സ്വയം കണ്ടെത്തുന്ന പുതുവഴിയിലൂടെ ജീവിത വിജയം നേടിയെടുക്കുന്ന അനുഭവങ്ങള്‍ കൂടി ചിത്രം പ്രേക്ഷകരുമായി പങ്കുവെയ്ക്കുന്നുണ്ട്.
എല്ലാത്തരം പ്രേക്ഷകരെയും ആകര്‍ഷിപ്പിക്കുന്നതിനോടൊപ്പം യുവാക്കള്‍ക്ക് മോട്ടിവേഷന്‍ നല്‍കുന്ന ഒട്ടേറെ മുഹൂര്‍ത്തങ്ങളും വെള്ളരിക്കാപ്പട്ടണത്തില്‍ ഒരുക്കിയിട്ടുണ്ടെന്ന് സംവിധായകന്‍ പറഞ്ഞു.
സസ്‌പെന്‍സും ആക്ഷനും ത്രില്ലും ഒക്കെ പ്രേക്ഷകരെ രസിപ്പിക്കുംവിധം സിനിമയിലുണ്ട്. എല്ലാത്തരം പ്രേക്ഷകരെയും ആകര്‍ഷിപ്പിക്കുന്നതിനോടൊപ്പം യുവാക്കള്‍ക്ക് മോട്ടിവേഷന്‍ നല്‍കുന്ന ഒട്ടേറെ മുഹൂര്‍ത്തങ്ങളും ‘വെള്ളരിക്കാപ്പട്ടണ’ത്തില്‍ ഒരുക്കിയിട്ടുണ്ടെന്നും സംവിധായകന്‍ മനീഷ് കുറുപ്പ് ചൂണ്ടിക്കാട്ടി.
‘ജീവിത സാഹചര്യങ്ങളെ പച്ചയായി അവതരിപ്പിക്കുന്ന ഒരു ഫീല്‍ ഗുഡ് മോട്ടിവേഷണല്‍ ചിത്രമാണ് ‘വെള്ളരിക്കാപ്പട്ടണം’. പ്രണയവും, കുടുംബ ജീവിതത്തിന്റെ ആത്മബന്ധങ്ങളും ചിത്രം ചര്‍ച്ചചെയ്യുന്നുണ്ട്’ എന്ന് മനീഷ് കുറുപ്പ് പറയുന്നു.
വെള്ളായണി, ആലപ്പുഴ, പത്തനാപുരം, പുനലൂര്‍ എന്നിവിടങ്ങളിലായിരുന്നു ‘വെള്ളരിക്കാപ്പട്ടണ’ത്തിന്റെ ചിത്രീകരണം.
മുന്‍മന്ത്രിമാരായ കെ കെ ശൈലജയും വി എസ് സുനില്‍കുമാറും ചിത്രത്തില്‍ ശ്രദ്ധേയമായ വേഷങ്ങളിലെത്തുന്നതും ‘വെള്ളരിക്കാപ്പട്ടണ’ത്തിന്റെ പുതുമയാണ്.
അഭിനേതാക്കള്‍ ടോണി സിജിമോന്‍, ജാന്‍വി ബൈജു, ഗൗരി ഗോപിക, ബിജു സോപാനം, ജയന്‍ ചേര്‍ത്തല, എം ആര്‍ ഗോപകുമാര്‍, കൊച്ചുപ്രേമന്‍, ജയകുമാര്‍, ആദര്‍ശ് ചിറ്റാര്‍, ദീപു നാവായിക്കുളം, കവിത, മഞ്ജു പുനലൂര്‍, സൂരജ് സജീവ്.
ഛായാഗ്രഹണം- ധനപാല്‍, സംഗീതം- ശ്രീജിത്ത് ഇടവന, ഗാനരചന- കെ. ജയകുമാര്‍, മനീഷ് കുറുപ്പ്, സംവിധാനസഹായികള്‍- വിജിത്ത് വേണുഗോപാല്‍, അഖില്‍ ജെ പി, ജ്യോതിഷ് ആരംപുന്ന, മേക്കപ്പ്- ഇര്‍ഫാന്‍ ഇമാം, സതീഷ് മേക്കോവര്‍, സ്റ്റില്‍സ്- അനീഷ് വീഡിയോക്കാരന്‍, കളറിസ്റ്റ്- മഹാദേവന്‍, സി. ജിവിഷ്ണു പുളിയറ, മഹേഷ് കേശവ്, ടൈറ്റില്‍ ഡിസൈന്‍- സുധീഷ് കരുനാഗപ്പള്ളി, ടെക് സപ്പോര്‍ട്ട്- ബാലു പരമേശ്വര്‍, പി.ആര്‍.ഒ.- പി.ആര്‍. സുമേരന്‍, പരസ്യകല- കൃഷ്ണപ്രസാദ് കെ.വി., സെക്കന്റ് യൂണിറ്റ് ക്യാമറ- വരുണ്‍ ശ്രീപ്രസാദ്, മണിലാല്‍, സൗണ്ട് ഡിസൈന്‍- ഷൈന്‍ പി. ജോണ്‍, ശബ്ദമിശ്രണം- ശങ്കര്‍ എന്നിവരാണ് ‘വെള്ളരിക്കാപ്പട്ടണ’ത്തിന്റെ അണിയറപ്രവര്‍ത്തകര്‍.
