എഎസ് ദിനേശ്-
കൊച്ചി: സത്യം സിനിമാസിന്റെ ബാനറില് എ.ജി.പ്രേമചന്ദ്രന് നിര്മ്മിച്ച് ജിജോ ജോസഫ് സംവിധാനം ചെയ്ത ‘വരയന്’ എന്ന ചിത്രത്തിലെ ‘ഏദനില് മധു നിറയും’ എന്നു തുടങ്ങുന്ന ഗാനത്തിന്റെ പ്രമോ സോംങ് സത്യം ഓഡിയോസിന്റെ യുട്യൂബ് ചാനലില് റിലീസ് ചെയ്തു.
ബികെ ഹരി നാരായണന് രചിച്ച് പ്രകാശ് അലക്സ് സംഗീതം നല്കി സന മൊയ്തൂട്ടി ആലപിച്ച ഈ ഗാനത്തില് സന തന്നെ അഭിനയിച്ച പ്രമോ സോംങ് വീഡിയോയാണ് ഇപ്പോള് റിലീസായിരിക്കുന്നത്. ചിത്രത്തില് നായകനായ സിജു വില്സനും നായികയായ ലിയോണ ലീഷോയുമാണ് ഈ ഗാനരംഗത്ത് അഭിനയിച്ചിരിക്കുന്നത്.
പ്രസന്ന മാസ്റ്ററുടെ കോറിയോഗ്രാഫിയില് നാല് മനോഹര ഗാനങ്ങളുണ്ട് ഈ ചിത്രത്തില്.
മണിയന്പിള്ള രാജു, വിജയരാഘവന്, ജോയ് മാത്യു, ബിന്ദു പണിക്കര്, ജയശങ്കര്, ജൂഡ് ആന്റണി, അരിസ്റ്റോ സുരേഷ്, ആദിനാഥ് ശശി, ഏഴുപുന്ന ബിജു, ഡാവിഞ്ചി, സുധാകരന് കെപി തുടങ്ങിയവരാണ് മറ്റു പ്രമുഖ താരങ്ങള്.
രജീഷ് രാമന് ഛായാഗ്രഹണം നിര്വ്വഹിക്കുന്നു. ഡാനി കപ്പൂച്ചിന് കഥ തിരക്കഥ സംഭാഷണമെഴുതുന്നു.
പ്രൊഡക്ഷന് കണ്ട്രോളര്- ബിനു മുരളി, പ്രൊജക്റ്റ് ഡിസൈന്- ജോജി ജോസഫ്, കല- നാഥന് മണ്ണൂര്, മേക്കപ്പ്- സിനൂപ് രാജ്, വസ്ത്രാലങ്കാരം- സമീറ സനീഷ്, സ്റ്റില്സ്- ജിയോ ജോമി, പരസ്യക്കല- യെല്ലോ ടൂത്ത്, എഡിറ്റര്ജോണ്ക്കുട്ടി, ചീഫ് അസ്സോസിയേറ്റ് ഡയറക്ടര്- കൃഷ്ണ കുമാര്, അസിസ്റ്റന്റ് ഡയറക്ടര്- ഷമീര്, കിരണ്, ആശ, ഐറീഷ്, നൃത്തം- പ്രസന്ന സുജിത്, ആക്ഷന്- ആല്വിന് അലക്സ്, പ്രൊഡക്ഷന് മാനേജര്- ശ്രീശന് ഏരിമല, പ്രൊഡക്ഷന് എക്സിക്യൂട്ടീവ്- സന്തോഷ് ചെറുപൊയ്ക. വാര്ത്ത പ്രചരണം- എഎസ് ദിനേശ്.