ഏഴാം മാസത്തില്‍ തൈമൂര്‍ അലിഖാനും സിനിമയിലേക്ക്

ഏഴാം മാസത്തില്‍ തൈമൂര്‍ അലിഖാനും സിനിമയിലേക്ക്

രാംനാഥ് ചാവ്‌ല
സൈഫ് അലിഖാന്‍കരീന കപൂര്‍ താര ദമ്പതികളുടെ ഏഴുമാസം പ്രായമായ മകന്‍ തൈമൂര്‍ അലിഖാന്‍ സിനിമാ അരങ്ങേറ്റത്തിന് ഒരുങ്ങുന്നു. പ്രസവശേഷം കരീന തിരിച്ചെത്തുന്ന വീരെ ദ വെഡ്ഡിംഗിലാണ് കുഞ്ഞു തൈമൂര്‍ തല കാണിക്കുന്നത്. ഒരു സീനിലാണ് തൈമൂര്‍ പ്രത്യക്ഷപ്പെടുന്നതെന്നാണ് സൂചന.
കരീന ഗര്‍ഭിണിയായതിനെ തുടര്‍ന്ന് ചിത്രത്തിന്റെ തിരക്കഥയില്‍ ചില മാറ്റങ്ങള്‍ വരുത്തിയിരുന്നു. ഗര്‍ഭിണിയായ കരീനയുടെ ദൃശ്യങ്ങളും ഇതിനായി പകര്‍ത്തി. ഒടുവില്‍ തൈമൂറിനെയും ചിത്രത്തില്‍ ഉള്‍പ്പെടുത്തുകയായിരുന്നു. ശശാങ്ക് ഘോഷ് സംവിധാനം ചെയ്യുന്ന ചിത്രം നിര്‍മ്മിക്കുന്നത് അനില്‍ കപൂറിന്റെ മകള്‍ റിയ കപൂറാണ്. സോനം കപൂറും സ്വര ഭാസ്‌കറും ശിഖ തല്‍സാനിയയുമാണ് മറ്റ് പ്രധാന വേഷങ്ങളില്‍ അഭിനയിക്കുന്നത്.

 

Post Your Comments Here ( Click here for malayalam )
Press Esc to close