ഫിദ
കൊച്ചി: ടാറ്റ ഗ്രൂപ്പിന്റെ ചീഫ് ഇക്കണോമിസ്റ്റും പോളിസി അഡ്വക്കസി മേധാവിയുമായി മലയാളിയായ രൂപ പുരുഷോത്തമന് നിയമിതയായി. സെപ്റ്റംബര് ഒന്നിന് ഇവര് ചുമതലയേല്ക്കും. ബ്രസീല്, റഷ്യ, ഇന്ത്യ, ചൈന എന്നിവയടങ്ങുന്ന ബ്രിക് രാജ്യങ്ങള് ലോകത്തിലെ ഏറ്റവും വലിയ സാമ്പത്തിക ശക്തികളായി വളരുമെന്ന രൂപയുടെ റിപ്പോര്ട്ടാണ് സാമ്പത്തിക ലോകത്ത് അവരെ പ്രശസ്തയാക്കിയത്.
200304 കാലയളവില് 25ാം വയസ്സിലാണ് അവര് ബ്രിക് റിപ്പോര്ട്ട് പ്രസിദ്ധീകരിച്ചത്. അമേരിക്കയിലെ യേല് യൂണിവേഴ്സിറ്റിയില് നിന്ന് ബിരുദവും ലണ്ടന് സ്കൂള് ഓഫ് ഇക്കണോമിക്സില് നിന്ന് ബിരുദാനന്തര ബിരുദവും നേടിയിട്ടുള്ള രൂപ, ആദ്യം ഗോള്ഡ്മാന് സാക്സില് വൈസ് പ്രസിഡന്റും ഗ്ലോബല് ഇക്കണോമിസ്റ്റുമായിരുന്നു. 2006ല് എവര്സ്റ്റോണ് ക്യാപ്പിറ്റലില് റിസര്ച്ച് വിഭാഗം മേധാവിയായി. നിലവില് എവര്സ്റ്റോണിന്റെ റിസര്ച്ച് വിഭാഗം മാനേജിംഗ് ഡയറക്ടറാണ്. അമേരിക്കയില് സ്ഥിരതാമസമാക്കിയ തൃശ്ശൂര്പാലക്കാട് സ്വദേശികളായ മലയാളി ദമ്പതികളുടെ മകളാണ് 38കാരിയായ രൂപ.