എംഎം കമ്മത്ത്-
പ്രീമിയം ഹാച്ച്ബാക്ക് ശ്രേണിയില് ടാറ്റയുടെ 45X എന്ന് പേരിട്ടിരിക്കുന്ന മോഡലിന്റെ പരീക്ഷണയോട്ടം പുരോഗമിക്കുന്നു. 2018 ഡല്ഹി ഓട്ടോ എക്സ്പോയില് ടാറ്റ അവതരിപ്പിച്ച 45X പ്രീമിയം ഹാച്ചബാക്കാണ് ജൂണില് പുറത്തിറക്കാനാണ് തയ്യാറെടുക്കുന്നത്. ടാറ്റയുടെ പുണെ, ഇറ്റലി, യുകെ സ്റ്റുഡിയോകളിലാണ് ജാഗ്വര് ലാന്ഡ് റോവറിന്റെ സഹകരണത്തോടെ ഡിസൈന് പൂര്ത്തീകരിച്ചിരിക്കുന്നത്. കണ്സെപ്റ്റ് മോഡലില് നിന്ന് വലിയ വ്യത്യാസം ഇല്ലാതെയാകും 45X വിപണിയിലെത്തുകയെന്നാണ് റിപ്പോര്ട്ട്. രൂപത്തിന്റെ അടിസ്ഥാനത്തില് കണ്സെപ്റ്റ് മോഡലില് നിന്ന് വലിയ വ്യത്യാസം ഇല്ലാതെയാകും 45ത വിപണിയിലെത്തുക. ഇംപാക്ട് ഡിസൈന് 2.0 ശൈലിയില് അഡ്വാന്സ്ഡ് മോഡുലാര് പ്ലാറ്റ്ഫോമില് നിര്മിച്ച ടാറ്റയുടെ ആദ്യ കാറാണിത്. ലാന്ഡ് റോവര് കാറുകള്ക്ക് സമാനമായി മാസീവ് ബോഡി ലൈനുകള്ക്കൊപ്പം കരുത്തുറ്റ രൂപമാണ് എന്നതാണ് ഈ മോഡലിന്റെ സവിശേത. എന്നാല് എന്ജിന് സംബന്ധിച്ച വിവരങ്ങളൊന്നും കമ്പനി പുറത്തുവിട്ടിട്ടില്ല. റിപ്പോര്ട്ടുകള് അനുസരിച്ച് നെക്സോണിലെ 1.2 ലിറ്റര് ത്രീ സിലിണ്ടര് പെട്രോള്, 1.5 ലിറ്റര് ഫോര് സിലിണ്ടര് ഡീസല് എന്ജിനുകള് ഉള്പ്പെടുത്താകാനാണ് സാധ്യത.