വിഷ്ണു പ്രതാപ്-
ന്യൂഡല്ഹി: മാരുതി സുസുക്കിയുടെ പ്രീമിയം ഹാച്ച്ബാക്കായ സ്വിഫ്റ്റിന്റെ വില്പ്പന 20 ലക്ഷം യൂണിറ്റുകള് കടന്നു. വിപണിയിലെത്തി 13ാം വര്ഷമാണ് സ്വിഫ്റ്റിന്റെ ഈ നേട്ടം. 2005 മേയിലായിരുന്നു സ്വിഫ്റ്റിന്റെ വിപണി പ്രവേശം. വിപണിയില് എത്തിയതു മുതല് ഇന്ത്യയില് ഏറ്റവുമധികം വിറ്റഴിയുന്ന അഞ്ച് കാറുകളുടെ പട്ടികയില് ഒരു ദശാബ്ദക്കാലം സ്വിഫ്റ്റ് ഉണ്ടായിരുന്നു. 2010 സെപ്തംബറില് അഞ്ച് ലക്ഷം യൂണിറ്റുകളുടെയും 2013 സെപ്തംബറില് പത്ത് ലക്ഷം യൂണിറ്റുകളുടെയും വില്പനനേട്ടം സ്വന്തമാക്കിയ സ്വിഫറ്റ്, 2016 മാര്ച്ചിലാണ് 15 ലക്ഷം യൂണിറ്റുകളെന്ന നാഴികക്കല്ല് പിന്നിട്ടത്.
ഡിമാന്റ്് ഏറിയ പശ്ചാത്തലത്തില് നടപ്പുവര്ഷം ഏപ്രില്-ഒക്ടോബറില് സ്വിഫ്റ്റിന്റെ ഉത്പാദനം മാരുതി സുസുക്കി 2017-18ലെ സമാന കാലയളവിനേക്കാള് 45 ശതമാനം ഉയര്ത്തിയിരുന്നു. 1.39 ലക്ഷം യൂണിറ്രുകളാണ് ഈവര്ഷം ഒക്ടോബര് വരെയുള്ള ഉത്പാദനം. ഏപ്രില്ഒക്ടോബറില് 36 ശതമാനം വില്പന വളര്ച്ചയും സ്വിഫ്റ്റ് കുറിച്ചിരുന്നു.