സംരംഭങ്ങളെ വളര്ച്ചയിലേക്കു നയിക്കുന്നത് ഊര്ജസ്വലമായ നേതൃത്വമാണ്. വിജയത്തിലേക്കു കുതിക്കുന്ന ഏതു പദ്ധതിയുടെയും തലപ്പത്തു കഴിവുറ്റ സംരംഭകനുണ്ടെന്നു കാണാന് കഴിയും. മികച്ച സംരംഭകനേ ഒരു സംരംഭത്തെ വിജയത്തിലെത്തിക്കാനാകൂ.
നല്ല സംരംഭകനാകാന് ആദ്യം വേണ്ടത് ചില കഴിവുകള് നേടിയെടുക്കുകയാണ്. അതിന് ഏറ്റവും എളുപ്പം സംരംഭകത്വത്തില് വിസ്മയ വിജയങ്ങള് തീര്ത്തവരെ മാതൃകയാക്കുകയാവും. അവരുടെ മാതൃകയാക്കുക വഴി ഒരു സംരഭകന്റെ വ്യക്തി ജീവിതത്തിലും ബിസ്നസ് ജീവിതത്തിലും അവിശ്വസനീയമായ മാറ്റങ്ങള് കൊണ്ട് വരാന് സഹായിക്കും.
എപ്പോഴും ആത്മവിശ്വാസവും ശുഭപ്രതീക്ഷയും വെച്ചുപുലര്ത്തുകസ്വന്തം കഴിവുകളെക്കുറിച്ചു ബോധവാന്മാരായിരിക്കുക. വിജയം നേടിയെടുക്കാന് തങ്ങള്ക്ക് സാധിക്കുമെന്ന് ഉറച്ച് വിശ്വസിക്കുക
വലിയ സ്വപ്നങ്ങള് കാണാന് വലുതായി ചിന്തിക്കാനും കഴിയുക.പുതിയ ചക്രവാളങ്ങള് തേടിപ്പിടിക്കാന് ശ്രമിച്ച് കൊണ്ടിരിക്കുക. പുതിയ ആശയങ്ങളും പുതിയ ബിസിനസ് സാധ്യതകളും എവിടെയും കണ്ടെത്തുക.
പ്രസന്നതയോടെയും സമര്പ്പണ മനോഭാവത്തോടെയും താല്പ്പര്യത്തോടെയുമായിരിക്കണം പ്രവര്ത്തിക്കേണ്ടത്.പ്രത്യേകിച്ച് ബിസ്നസില്.നമ്മളെങ്ങനെ പ്രവര്ത്തിക്കുന്നുവോ അതിനനുസരിച്ചാവും ബിസ്നസിന്റെ വളര്ച്ചയും എന്ന കാര്യം പ്രത്യേകം മനസിലാക്കുക.
മുന്നിട്ടിറങ്ങിയാല് മാത്രമേ നേട്ടങ്ങള് ഉണ്ടാക്കാന് സാധിക്കൂ എന്ന് തിരിച്ചറിയണം.
വ്യക്തമായ ആസൂത്രണം എല്ലാ കാര്യങ്ങളിലും ഉണ്ടായിരിക്കണം.ഓരോ ചുവടും വെക്കുന്നത് ആസൂത്രണത്തെ മുന്നിര്ത്തിയായിരിക്കണം.കൃത്യമായി ലക്ഷ്യവും അതിനൊപ്പം ഉണ്ടായിരിക്കണം.
സ്വന്തം ബിസിനസിനെക്കുറിച്ചുീബിസിനസ് മേഖലയെക്കുറിച്ച് വ്യക്തമായി മനസ്സിലാക്കാനും ആ രംഗത്തുണ്ടാകുന്ന പുതിയ മാറ്റങ്ങള് യഥാസമയം അറിയാനും അത് ബിസിനസില് കൊണ്ട് വരാനും ശ്രമിക്കണം.
എപ്പോഴും മാറ്റത്തിനു തയാറാവണം.ബിസിനസില് അടിക്കടിയുണ്ടാകുന്ന മാറ്റങ്ങളോടു തുറന്ന മനസ്സായിരിക്കണം. വിപണിയിലെ മാറ്റങ്ങള്ക്കു വഴങ്ങാന് സാധിക്കുന്നില്ലെങ്കില് ബിസ്നസില് നിന്ന് തന്നെ പിന്തള്ളപ്പെട്ടേക്കാം.
എപ്പോഴും ഉപഭോക്താവിനെ ശ്രദ്ധിക്കുക.ഉപഭോക്താവിനു വേണ്ട പരിഗണന കൊടുക്കുക.ഉപഭോക്താക്കളുമായി നല്ല ബന്ധം സ്ഥാപിക്കുക വഴി ബിസിനസിലെ മല്സരത്തില് ജയിക്കാന് സഹായിക്കും.
തങ്ങളുടെ അസാന്നിധ്യത്തിലും ബിസിനസ് ഭംഗിയായി നടക്കാന് നല്ലൊരു ബിസ്നസ് സിസ്റ്റം ഉണ്ടാക്കിയെടുക്കണം.വ്യക്തമായ രീതികളും വ്യവസ്ഥിതികളും നടപ്പാക്കാന് ശ്രമിക്കുക. നല്ല വ്യക്തിയാണെന്നു തെളിയിക്കാന് ശ്രമിക്കുന്നതിനൊപ്പം തങ്ങളുടെ ബിസിനസിനും നല്ല പേരു നേടിയെടുക്കാന് ശ്രമിക്കുക. ബിസ്നസില് മത്സരം നേരിടുന്നതില് ഇത് വളരെ ഗുണം ചെയ്യും. മറ്റുള്ളവരില് മതിപ്പുളവാക്കുംവിധം ഉദാരമതികളായിരിക്കുക. ഇത് ഉപഭോക്താക്കളുടെയും പൊതുജനങ്ങളുടെയും ഇടയിലുണ്ടാക്കുന്ന മതിപ്പ് ബിസിനസിന് ഗുണം ചെയ്യും.
ബിസിനസുകളുടെ ഉയര്ന്ന പരാജയ നിരക്കാണ് അലട്ടുന്ന പ്രധാന ഘടകം. ഇത് സംബന്ധിച്ച് ഇന്ത്യയില് കൃത്യമായ കണക്കുകളൊന്നും ലഭ്യമല്ല. അതുകൊണ്ട് നമുക്ക് വികസിത രാജ്യങ്ങളിലെ കണക്കുകള് പരിശോധിക്കാം. അമേരിക്കയിലെ കാര്യമെടുത്താല് 16 വര്ഷത്തിനുള്ളില് 74 ശതമാനം ബിസിനസുകളും പരാജയപ്പെടുന്നു. യുഎസ്എ സ്മോള് ബിസിനസ് അഡ്മിനിസ്ട്രേഷന്റെ കണക്കുകളാണിത്. ഒന്നോര്ത്തു നോക്കണം; ലോകത്ത് ബിസിനസ് ചെയ്യാനാകുന്ന ഏറ്റവും മികച്ച രാജ്യങ്ങളുടെ പട്ടികയില് 23ാം സ്ഥാനമാണ് അമേരിക്കക്കുള്ളത്. ഫോബ്സിന്റെ ‘Best Coutnries for Business’ പട്ടികയില് 85ാം സ്ഥാനമുള്ള ഇന്ത്യയില് എന്തായാലും ഈ നിരക്ക് അമേരിക്കയില് ഉള്ളതിനേക്കാള് കൂടുതലായിരിക്കും എന്ന കാര്യം തീര്ച്ച.
ഓര്ഗനൈസേഷനിലെ ഓരോ വിഭാഗത്തിനും ഓരോ പ്രൊഫഷണല് മാനേജര്മാരാണ് നേതൃത്വം നല്കുന്നതെങ്കില് ഓര്ഗനൈസേഷനിലെ ഏതാണ്ടെല്ലാ വിഭാഗത്തിനും തുല്യമായ പ്രാധാന്യമാകും ലഭിക്കുക. ഒരിക്കലും ഒരു മാനേജറും തന്റെ ജോലി അപ്രധാനമാണെന്ന് ധരിക്കുകയും അരുത്. സംരംഭകനാണെങ്കില്, ഈ ഓരോ വിഭാഗത്തിനും ഒരേ പ്രാധാന്യം കല്പ്പിച്ചു കൊണ്ട് ഒരുപോലെ മാനേജ് ചെയ്യാന് ശ്രമിക്കും. ഈ മനോഭാവം മാനേജര്മാരുടെ തലത്തില് നിന്ന് അരിച്ചിറങ്ങി താഴെ തട്ടിലുള്ള സൂപ്പര്വൈസറി പോലുള്ള തലങ്ങളിലേക്ക് വരെ എത്തും.
സമയം കാര്യക്ഷമമായി വിനിയോഗിക്കുക എന്നതു തന്നെയാണ് ബിസിനസിലെ സുപ്രധാനമായ മറ്റൊരു ഘടകം. ബിസിനസ് കാലാവസ്ഥ അനുദിനം ബുദ്ധിമുട്ടേറി വരികയാണ്. വിപണിയിലെ അസ്ഥിരത, കൂടുതല് തുറന്ന വിപണി, ഉല്പ്പന്നത്തിന്റെ ആയുസ് കുറയുന്നത് എന്നതൊക്കെ ഇതിന് കാരണമാകുന്നുണ്ട്. നമ്മുടെ ബിസിനസ് നടത്തിപ്പില് എവിടെയാണ് പിഴവെന്ന് കണ്ടെത്താന് സാധിച്ചില്ലെങ്കില്, അത് തിരുത്താന് പറ്റിയില്ലെങ്കില് ബിസിനസിന്റെ പരാജയ സാധ്യത തീര്ച്ചയായും ഉയരും.
ഈ സുപ്രധാന സവിശേഷതകളെല്ലാം ഒരു സംരംഭകനെന്ന നിലയില് വിജയം വരിക്കാന് ആവശ്യമാണ്. വിജയികളായ സംരംഭകരില് ഇവയെല്ലാം തന്നെ നമുക്ക് കാണാന് കഴിയും.
പതു സംരഭകര്ക്ക് തങ്ങളുടെ വ്യക്തി ജീവിതത്തിലും ബിസ്നസ് മേഖലകളിലും വിജയം നേടാന് ഇവ സഹായിക്കും.