ഗായത്രി-
സിനിമാ മേഖലയില് തനിക്ക് ദുരനുഭവമുണ്ടായതായി പാട്ടെഴുത്തുകാരിയും സംവിധായകയുമായ ശ്രുതി നമ്പൂതിരി. ഒരു അഭിമുഖത്തിനിടെയാണ് നേരിടേണ്ടി വന്ന ദുരനുഭവങ്ങള് ശ്രുതി തുറന്നു പറഞ്ഞത്.
25 വയസ്സുള്ളപ്പോള് ഗുരുസ്ഥാനീയനായ ഒരു സംവിധായകന് തന്നോട് അപമര്യാദയായി പെരുമാറിയിട്ടുണ്ടെന്ന് ശ്രുതി വെളിപ്പെടുത്തി. അച്ഛന്റെ സ്ഥാനത്ത് കണ്ടിരുന്ന ഒരാളാണ് തന്നോട് വളരെ മോശമായി ദുരുദ്ദേശത്തോടെ പെരുമാറിയത്. അത്രയും മുതിര്ന്ന ആളില് നിന്നും ഉണ്ടായ അനുഭവം തന്നെ ഞെട്ടിച്ചു. അങ്ങനെയൊക്കെ ഒരാള് പെരുമാറുമോയെന്ന് പോലും ചിന്തിച്ചു.
പിന്നെയൊരിക്കല്, ഒരു ഫിലിം മേക്കറുടെ അടുത്ത് നിന്നും തനിക്ക് അത്തരം ഒരു അനുഭവം ഉണ്ടായി. രാത്രി മുഴുവന് താന് കരയുകയായിരുന്നു. അത്തരം അനുഭവങ്ങളൊന്നും ആരോടും പറയാന് പറ്റില്ല. ന്യൂജനറേഷന് സംവിധായകരോ സിനിമാ പ്രവര്ത്തകരോ അത്തരത്തില് അല്ലെന്നും ശ്രുതി പറയുന്നു. അവര് അവരുടെ ജോലികളില് ഫോക്കസ്ഡ് ആണ്. അല്ലാതെ ഇങ്ങനെയുള്ള കാര്യങ്ങളില് അവര് ശ്രദ്ധിക്കാറില്ല.
ആരൊക്കെ എതിര്ത്താലും ഡബ്ല്യുസിസി പോലൊരു സംഘടനയുടെ ആവശ്യം ഇവിടെ ഉണ്ട്. താന് സംഘടയോട് പരിപൂര്ണമായും യോജിക്കുന്നുണ്ട്. അവര്ക്ക് പലമാറ്റങ്ങളും വരുത്താന് കഴിഞ്ഞിട്ടുണ്ട്. പുരുഷമേധാവിത്വത്തിന് മറുപടി നല്കാന് ഇത്തരം സംഘടനകള് ആവശ്യമാണെന്നനും ശ്രുതി കൂട്ടിച്ചേര്ത്തു.