ഇന്റര്നാഷണല് ഡെസ്ക്-
വാഷിംഗ്ടണ്: നാല് ബഹിരാകാശ യാത്രികരെയും വഹിച്ചുകൊണ്ട് SpaceX ന്റെ Dragon2 പേടകം വിജയകരമായി ബഹിരാകാശ നിലയത്തിലെത്തി. ഇരുപത്തിയേഴ് മണിക്കൂര് നീണ്ട യാത്രക്ക് ശേഷമാണ് Dragon2 പേടകം അന്താരാഷ്ട്ര ബഹിരാകാശ നിലയത്തിലെത്തിയത്.
മൂന്ന് അമേരിക്കന് സ്വദേശികളും ഒരു ജപ്പാന്കാരനും അടങ്ങുന്നതാണ് പര്യവേഷണ സംഘം. മൈക്ക് ഹോപ്കിന്സ് എന്ന അമേരിക്കക്കാരനാണ് ദൗത്യത്തിലെ തലവന്. നാസയുടെ ബഹിരാകാശ യാത്രികരായ മൈക്ക് ഹോപ്പിന്സ്, ഷനോണ് വാക്കര്, വിക്ടര് ഗ്ലോവര് ജപ്പാനീസ് ബഹിരാകാശ യാത്രികനായ സ്യോച്ചി നൊഗ്യൂച്ചി എന്നിവരാണ് ഞായറാഴ്ച വൈകീട്ട് വിക്ഷേപിക്കപ്പെട്ട പേടകത്തിലെ യാത്രികര്.