സഭ്യതയുടെ പരിധി ലംഘിച്ചിട്ടില്ല

സഭ്യതയുടെ പരിധി ലംഘിച്ചിട്ടില്ല

ഫിദ-
പച്ചമാങ്ങ എന്ന ചിത്രത്തെക്കുറിച്ചും തന്റെ കഥാപാത്രത്തെക്കുറിച്ചും തെറ്റായ പ്രചരണങ്ങള്‍ നടത്തരുതെന്ന് നടി സോന ഹെയ്ഡന്‍. ജയേഷ് മൈനാഗപ്പള്ളി സംവിധാനം ചെയ്യുന്ന പച്ചമാങ്ങയില്‍ പ്രധാന കഥാപാത്രങ്ങളെ അവതരിപ്പിക്കുന്നത് പ്രതാപ് പോത്തനും സോന ഹെയ്ഡനുമാണ്.
ചിത്രത്തിന്റെ ട്രെയ്‌ലര്‍ പുറത്ത് വന്നതിന് തൊട്ടുപിന്നാലെ സോനയെ വിമര്‍ശിച്ച് ഒട്ടനവധി പേര്‍ രംഗത്തെത്തി. സോനയുടെ വസ്ത്രധാരണത്തെ കേന്ദ്രീകരിച്ചായിരുന്നു വിമര്‍ശനങ്ങള്‍. തുടര്‍ന്ന് വിശദീകരണവുമായി രംഗത്തെത്തിയിരിക്കുകയാണ് സോന.
വളരെ മനോഹരമായ ഒരു ചിത്രമാണ് പച്ചമാങ്ങ. എന്റെ കഥാപാത്രത്തിന്റെ, വേഷത്തിന്റെ അടിസ്ഥാനത്തില്‍ ചിത്രത്തെ വിലയിരുത്തരുത്. ഞാന്‍ ഒരു ഗ്ലാമസറസ് കഥാപാത്രത്തെ അവതരിപ്പിക്കുന്നു എന്ന മുന്‍ധാരണയോടു കൂടിയാണ് പലരും വിമര്‍ശനങ്ങള്‍ ഉന്നയിക്കുന്നത്. ഒരു കാലഘട്ടത്തിലെ കേരളത്തിലെ സ്ത്രീകളുടെ വസത്രധാരണത്തെ അതേ പടി പകര്‍ത്തുകയാണ് ഞാന്‍ ചെയ്തിരിക്കുന്നത്. സഭ്യതയുടെ പരിധി ലംഘിച്ചിട്ടില്ല സോന വ്യക്തമാക്കി.

Post Your Comments Here ( Click here for malayalam )
Press Esc to close
All rights reserved © BizNewsIndia.Com | site maintained by : HEDONE SERVICES