സ്‌നാപ്ഡീലിനെ 900950 മില്യന്‍ യുഎസ് ഡോളറിന് (ഉദ്ദേശം 6000 കോടി രൂപ) ഏറ്റെടുക്കാനുള്ള ഫ്‌ളിപ്കാര്‍ട്ടിന്റെ നിര്‍ദേശം സംബന്ധിച്ചു സ്‌നാപ്ഡീല്‍ ഓഹരിയുടമകളുടെ യോഗം ചേരുന്നു. പ്രമുഖ ഓഹരി ഉടമകളായ രത്തന്‍ ടാറ്റയും അസിം പ്രേംജിയുടെ പ്രേംജി ഇന്‍വെസ്റ്റും ഇതില്‍ ഉള്‍പ്പെടും. ഇടപാടു സംബന്ധിച്ച് കൂടുതല്‍ വിശദാംശങ്ങള്‍ വേണമെന്നു അസീം പ്രേംജി സ്‌നാപ്ഡീലിനോട് ആവശ്യപ്പെട്ടിട്ടുണ്ട്.
നേരത്തേ 850 മില്യന്‍ ഡോളര്‍ നല്‍കാമെന്ന ഫ്‌ളിപ്കാര്‍ട്ടിന്റെ വാഗ്ദാനം സ്‌നാപ്ഡീല്‍ നിരസിച്ചതിനെത്തുടര്‍ന്ന് തുക കൂട്ടി വീണ്ടും ഓഫര്‍ നല്‍കുകയായിരുന്നു. സ്‌നാപ്ഡീലിന്റെ ബോര്‍ഡ് അടുത്തയാഴ്ച ഇക്കാര്യം ചര്‍ച്ച ചെയ്യാനായി യോഗം ചേരുന്നുണ്ട്.
ഫഌപ്കാര്‍ട്ടിന്റെ യോഗം ഈയാഴ്ച നടക്കുമെന്നറിയുന്നു. ഏറ്റെടുക്കല്‍ നടന്നാല്‍ ഇന്ത്യയിലെ ഇകൊമേഴ്‌സ് മേഖലയിലെ ഏറ്റവും വലിയ ഏറ്റെടുക്കലാകും ഇത്.
