സില്‍ക്ക് സ്മിതയുമായി ശത്രുതയില്ലായിരുന്നു

സില്‍ക്ക് സ്മിതയുമായി ശത്രുതയില്ലായിരുന്നു

ഗായത്രി-
യുവ തലമുറയുടെ നെഞ്ചിടിപ്പേറ്റിയ താരങ്ങാളായിരുന്നു സില്‍ക്ക് സ്മിതയും ഷക്കീലയും. ബി ഗ്രേഡ് ചിത്രങ്ങളിലൂടെയായിരുന്നു ഇവര്‍ യുവാക്കളുടെ ഹരമായി മാറിയത്. ഇരുവരും തിളങ്ങി നില്‍ക്കുമ്പോഴായിരുന്നു സില്‍ക്ക് സ്മിതയുടെ മരണം. സില്‍ക്ക് സ്മിതയുടെ ജീവിതം ആസ്പദമാക്കി ഒരുക്കിയ ദ ഡേര്‍ട്ടി പിക്ചറില്‍ പറയുന്നത് ഇരുവരും തമ്മില്‍ അത്ര നല്ല ബന്ധം ആയിരുന്നില്ലെന്നാണ്. എന്നാല്‍ ഇത് സത്യമല്ലെന്നാണ് ഷക്കീല പറയുന്നത്. ഒരു വാര്‍ത്താ മാഗസിന് നല്‍കിയ അഭിമുഖത്തിലാണ് ഷക്കീല ഇക്കാര്യം പറഞ്ഞത്.
‘വിദ്യാ ബാലന്റെ ഡേര്‍ട്ടി പിക്ചറില്‍ തന്റെ കഥാപാത്രത്തെ കാണിച്ചിരിക്കുന്നത് ശരിയായിട്ടല്ല. തന്റെ ആദ്യത്തെ വിജയചിത്രം സില്‍ക് സ്മിതക്കൊപ്പമായിരുന്നു. ഷക്കീല പറഞ്ഞു. 1995 ല്‍ ഇറങ്ങിയ പ്ലേ ഗേളാണ് ഷക്കീലയുടെ ആദ്യ വിജയ ചിത്രം. ചിത്രത്തില്‍ ഇരുവരും സഹോദരിമാരായാണ് അഭിനയിച്ചത്. ഡേര്‍ട്ടി പിക്ചറില്‍ കാണിച്ചിരിക്കുന്ന പോലെ തങ്ങള്‍ ശത്രുക്കള്‍ അല്ലെന്നും സില്‍ക് സ്മിതയുടെ സ്ഥാനം കയ്യടക്കിയിട്ടില്ലെന്നും ഷക്കീല പറഞ്ഞു.
‘ഡേര്‍ട്ടി പികചറിലെ രംഗങ്ങളില്‍ സത്യമില്ല. എന്നെ സില്‍ക്കിന്റെ എതിരാളിയായിട്ടാണ് കാണിച്ചിരിക്കുന്നത്. തിരക്കഥയില്‍ അവര്‍ എന്ത് എഴുതിയിട്ടുണ്ടെങ്കിലും അത് അവരുടെ കാര്യമാണ്. അതിനെക്കുറിച്ച് പറയാന്‍ ഞാന്‍ ആഗ്രഹിക്കുന്നില്ല. പക്ഷേ ചിത്രത്തില്‍ സില്‍ക്ക് സ്മിത ഷക്കീലയോട് പറയുന്ന ഡയലോഗില്‍ സത്യമില്ല. എന്റെ ആദ്യ ചിത്രം അവര്‍ക്കൊപ്പമായിരുന്നു. സഹോദരിയായി. അതിന് ശേഷം അവര്‍ മരിച്ചു. അതിനാല്‍ ഒരിക്കലും അവരോട് മത്സരിക്കേണ്ടി വന്നിട്ടില്ല’ ഷക്കീല വ്യക്തമാക്കി.

Post Your Comments Here ( Click here for malayalam )
Press Esc to close
All rights reserved © BizNewsIndia.Com | Powered by : Swap IT Solutions Pvt. Ltd.