രാംനാഥ് ചാവ്ല-
മുംബൈ: കനത്ത വില്പ്പന സമ്മര്ദത്തില് ഓഹരി വിപണി നഷ്ടത്തില് ക്ലോസ് ചെയ്തു. രൂപയുടെ മൂല്യം ഡോളറിനെതിരെ 70.40 രൂപയിലേക്ക് താഴ്ന്നത് തിരിച്ചടിയായി.
സെന്സെക്സ് 188.44 പോയന്റ് താഴ്ന്ന് 37663.56ലും നിഫ്റ്റി 50.10 പോയന്റ് നഷ്ടത്തില് 11385ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1161 കമ്പനികളുടെ ഓഹരികള് നേട്ടത്തിലും 1536 ഓഹരികള് നഷ്ടത്തിലുമായിരുന്നു. മെറ്റല് വിഭാഗം ഓഹരികളാണ് കനത്ത നഷ്ടം നേരിട്ടത്. ബാങ്ക്, ഇന്ഫ്ര, ഊര്ജം തുടങ്ങിയ സെക്ടറുകളും നഷ്ടത്തിലായി. ഫാര്മ, ഐടി ഓഹരികള് നേട്ടത്തിലായിരുന്നു.
ഡോ.റെഡ്ഡീസ് ലാബ്, സണ് ഫാര്മ, ലുപിന്, ഇന്ഫോസിസ്, ഭാരതി എയര്ടെല്, ടാറ്റ മോട്ടോഴ്സ്, സിപ്ല, ആക്സിസ് ബാങ്ക്, ബജാജ് ഓട്ടോ തുടങ്ങിയ ഓഹരികള് നേട്ടത്തിലായിരുന്നു.
കൊട്ടക് മഹീന്ദ്ര, വേദാന്ത, എച്ച്ഡിഎഫ്സി, ഹിന്ഡാല്കോ, ടാറ്റ സ്റ്റീല്, വിപ്രോ, എല്ആന്റ്ടി, ഒഎന്ജിസി, റിലയന്സ്, എസ്ബിഐ തുടങ്ങിയ ഓഹരികള് നഷ്ടത്തിലുമാണ് ക്ലോസ് ചെയ്തത്.