പിആര്‍ സുമേരന്‍-
കൊച്ചി: മാനവരാശിയെ ഭീതിയിലാഴ്ത്തുന്ന ഈ കൊറോണക്കാലത്ത് ക്വാറന്റൈന്‍ പ്രതിരോധ സന്ദേശമുയര്‍ത്തി യുവ സംവിധായകന്‍ ഷാന്‍ ബഷീര്‍. കോവിഡ് 19 ലോകത്ത് ആകമാനം പടരുന്ന ഈ സന്ദര്‍ഭത്തില്‍ പ്രതിരോധ സന്ദേശമുയര്‍ത്തി ഒട്ടേറെ ഷോട്ട്ഫിലിമുകളാണ് നിത്യേന വന്നുകൊണ്ടിരിക്കുന്നത്. ഈ ഓണക്കാലത്ത് ‘കൊറോണം’ എന്ന പേരിലാണ് ഷാന്‍ ബഷീര്‍ തന്റെ ഹ്രസ്വചിത്രവുമായി എത്തുന്നത്. വ്യത്യസ്തവും പുതുമയാര്‍ന്നതുമാണ് ഈ ചിത്രത്തിന്റെ പ്രമേയം. മഹാബലിയെയും ഓണത്തിന്റെ മിത്തുകളെയും ഓര്‍മ്മപ്പെടുത്തുന്നതിനോടൊപ്പം ക്വാറന്റൈന്‍ പ്രതിരോധ സന്ദേശമാണ് കൊറോണത്തിന്റെ ഇതിവൃത്തം. ഈ ഓണത്തില്‍ ‘കൊറോണം’ റിലീസ് ചെയ്യും. ശ്രീഷ്മ ആര്‍ മേനോന്‍, സുധീര്‍ പി എന്നിവരുടേതാണ് തിരക്കഥ. വൈശാഖ് വി, സുധീര്‍ പിഇ എന്നിവര്‍ ചേര്‍ന്നാണ് കൊറോണം നിര്‍മ്മിക്കുന്നത്. ക്യാമറ- ദിലീപ് ചിറ്റൂര്‍, എഡിറ്റര്‍- രതീഷ് കാക്കോത്ത്, പ്രൊഡക്ഷന്‍ കണ്‍ട്രോളര്‍- ഷാജി ജോണ്‍, സംഗീതം- സരോജ ഉണ്ണികൃഷ്ണന്‍, പിആര്‍ഒ- പിആര്‍ സുമേരന്‍, ഡിസൈനര്‍- അതുല്‍ ക്രിസ്.
