വിഷ്ണു പ്രതാപ്-
ന്യൂഡല്ഹി: റഷ്യയില് നിന്നുള്ള ഇന്ത്യയിലേക്കുള്ള ഇറക്കുമതിയില് വന് വര്ധനവെന്ന് റിപ്പോര്ട്ട്. ഏപ്രില്മേയ് മാസങ്ങളില് ഇറക്കുമതി 4.7 മടങ്ങ് വര്ധനയാണ് രേഖപ്പെടുത്തിയത്. പ്രതിദിനം 4,00,000 ബാരല് എണ്ണയാണ് ഇന്ത്യ റഷ്യയില് നിന്നും ഇറക്കുമതി ചെയ്യുന്നത്. യുക്രെയ്ന് യുദ്ധത്തിന്റെ പശ്ചാത്തലത്തില് വന് വിലക്കുറവില് എണ്ണ ലഭിച്ചതോടെയാണ് ഇന്ത്യയുടെ ഇറക്കുമതി വര്ധിച്ചത്.
പാശ്ചാത്യ രാജ്യങ്ങള് ഉപരോധങ്ങള് പ്രഖ്യാപിച്ചപ്പോഴും റഷ്യയില് നിന്നുള്ള എണ്ണ ഇറക്കുമതിയില് നിന്ന് പിന്നാക്കം പോകാന് ഇന്ത്യ തയാറായിരുന്നില്ല. ഈ നിലപാട് മൂലം ഇന്ത്യയിലെ പൊതുമേഖല എണ്ണ കമ്പനികള്ക്ക് ഉള്പ്പടെ വന് വിലക്കുറവില് എണ്ണ ലഭിച്ചിരുന്നു.