എംഎം കമ്മത്ത്-
ഇനി രാജകീയ വാഹനമായ റോയല് എന്ഫീല്ഡിന്റെ ക്ലാസിക് 350യിലും ഡ്യുവല് ചാനല് എബിഎസ് ബ്രേക്കിങ് സുരക്ഷ. ഇതോടെ റോയല് എന്ഫീല്ഡിന്റെ എല്ലാ മോഡലുകളിലും എബിഎസ് സുരക്ഷ ഒരുങ്ങി. എബിഎസ് സംവിധാനം അവതരിപ്പിക്കുന്നതോടെ അടിയന്തിര ഘട്ടത്തിലുള്ള ബ്രേക്കിങ് കൂടുതല് സുരക്ഷിതമാകുമെന്നാണ് കമ്പനിയുടെ അവകാശം. ഇതിന് ടയറുകളെ നീയന്ത്രിക്കുന്നതിനായി രണ്ട് സെന്സര് സംവിധാനമാണ് ഒരുക്കിയിരിക്കുന്നത്. ഡ്യുവല് ചാനല് എബിഎസ് ഒരുക്കിയതോടെ 6000 രൂപയാണ് ക്ലാസിക് 350ക്ക് വില ഉയരുക. 1.47 ലക്ഷം രൂപ മുതല് 1.43 ലക്ഷം രൂപ വരെയായിരിക്കും ക്ലാസിക് 350യുടെ എക്സ്ഷോറൂം വില. റോയല് എന്ഫീല്ഡിന്റെ മറ്റ് മോഡലുകളായ ക്ലാസിക് 500, ബുള്ളറ്റ് 500, കോണ്ടിനെന്റല് ജിടി, ഇന്റര്സെപ്റ്റര്, ഹിമാലയന് തുടങ്ങിയ മോഡലുകളില് മുമ്പ് തന്നെ എബിഎസ് സംവിധാനമണ്ട്.