വിഷ്ണു പ്രതാപ്
മുംബൈ: ടെലികോം മേഖല പൂര്ണമായും പിടിച്ചടക്കാനുള്ള നിശ്ചയദാര്ഢ്യത്തോടെ റിലയന്സ് ജിയോ ഇന്ഫോകോം ഓഫര് പ്രഖ്യാപനങ്ങള് തുടരുന്നു. ഏറ്റവും പുതിയ പ്രഖ്യാപനത്തോടെ ഐഡിയ, എയര്ടെല് കമ്പനികളുടെ ഓഹരികള്ക്ക് വന് ഇടിവുണ്ടായി. ഐഡിയ സെല്ലുലാറിന്റെ ഓഹരികള് 5.38 ശതമാനവും ഭാരതി എയര്ടെലിന്റെ ഓഹരികള് 6.51 ശതമാനവും ഇന്നലെ ബോംബെ സ്റ്റോക്ക് എക്സ്ചേഞ്ചില് വ്യാപാരാരംഭത്തില് താഴ്ന്നു. വ്യാപാരം അവസാനിക്കുന്പോള് ഭാരതി എയര്ടെല് 4.4 ശതമാനവും ഐഡിയ സെല്ലുലാര് അഞ്ചു ശതമാനവും നഷ്ടത്തിലാണ്.
ജിയോ തങ്ങളുടെ ഡാറ്റാ ഓഫറുകളുടെ പ്രതിദിന ഉപയോഗപരിധി ഒരു ജിബിയില്നിന്ന് 1.5 ജിബി ആയി ചൊവ്വാഴ്ച ഉയര്ത്തിയതാണ് മറ്റു ടെലികോം കന്പനികളെ പ്രതിരോധത്തിലാക്കിയത്. ഇതോടെ ഉപയോക്താക്കളില്നിന്നുള്ള ശരാശരി വരുമാനത്തില് വീണ്ടും കുറവുണ്ടാകുമെന്നതാണ് ഓഹരിവിപണിയില് പ്രതിഫലിച്ചത്.
16 കോടി വരിക്കാരുള്ള മുകേഷ് അംബാനിയുടെ റിലയന്സ് ജിയോ 149, 349, 399, 449 രൂപയുടെ പ്ലാനുകള്ക്കാണ് ഒരു ജിബിയില്നിന്ന് 1.5 ജിബി ഡാറ്റാ പുതുക്കി നല്കുന്നത്. !യഥാക്രമം 29 ദിവസം, 70 ദിവസം, 84 ദിവസം, 91 ദിവസം എന്നിങ്ങനെയാണ് ഈ ഓഫറുകളുടെ കാലാവധി.