രാംനാഥ് ചാവ്‌ല-
പുതിയ മോഡലുമായി ഷവോമി, റെഡ്മി 8 എ എന്ന മോചലാണ് ഷവോമി പുറത്തിറക്കിയത്. 12 എംപി സോണി ഐഎംഎക്‌സ് 363 സെന്‍സറാണ് ഫോണിനുള്ളത്. 5000 എംഎഎച്ച് ബാറ്ററിയില്‍ അഞ്ച് ദിവസം വരെ ചാര്‍ജ് ലഭിക്കുമെന്നാണ് ഷാവോമി അവകാശപ്പെടുന്നത്. വാട്ട് അതിവേഗ ചാര്‍ജിംഗ് ഫോണില്‍ സാധ്യമാണെങ്കിലും 10 വാട്ട് ചാര്‍ജറാണ് ഫോണിനൊപ്പം നല്‍കുന്നത്.
വെള്ളം തെറിച്ച് കേടുവരാതിരിക്കാന്‍ പി2ഐ കവചവും ഫോണിനുണ്ട്. സ്‌നാപ്ഡ്രാഗണ്‍ 439 പ്രൊസസറിന്റെ പിന്തുണയില്‍ രണ്ട് ജിബി, മൂന്ന് ജിബി റാം വേരിയന്റുകളാണ് ഫോണിനുള്ളത്. 32 ജിബി ആണ് ഇന്റേണല്‍ സ്‌റ്റോറേജ്. 512 ജിബി വരെയുള്ള മൈക്രോ എസ്ഡി കാര്‍ഡുകള്‍ ഉപയോഗിക്കാനാവും. 6499 രൂപ മുതലാണ് വില.
