രാംനാഥ് ചാവ്‌ല-
മുംബൈ: റിയല്‍മി 7i ഒക്ടോബര്‍ 7 ന് വിപണിയിലെത്തും. റിയല്‍മി 7 സീരീസിലെ മൂന്നാമത്തെ സ്മാര്‍ട്ട്‌ഫോണ്‍ ആണിത്. 7 സീരീസിനു കീഴിലുള്ള റിയല്‍മി യുടെ വരാനിരിക്കുന്ന ഫോണിനെ റിയല്‍മി 7 പ്രോ എസ്ഇ എന്ന് വിളിക്കാന്‍ പോകുന്നുവെന്ന റിപ്പോര്‍ട്ടുകളുമുണ്ട്. കൂടാതെ, ഒരു കൂട്ടം ഉല്‍പ്പന്നങ്ങളും കമ്പനി പുറത്തിറക്കുമെന്നാണ് അറിയാന്‍ സാധിച്ചത്. റിയല്‍മി 7i കൂടാതെ, റിയല്‍മി അതിന്റെ ഏറ്റവും പ്രീമിയവും ദീര്‍ഘനാളായി പ്രതീക്ഷിക്കുന്ന 55 ഇഞ്ച് 4 കെ ടിവിയും പുറത്തിറക്കും. ഇതില്‍ എസ്എല്‍ഇഡി സാങ്കേതികവിദ്യയാണ് ഉപയോഗിച്ചിരിക്കുന്നത്. എല്‍ഇഡിയിലൂടെ അപ്‌ഗ്രേഡുചെയ്ത ക്വാണ്ടം ഡോട്ട് ഡിസ്‌പ്ലേക്ക് സമാനമായ ഔട്ട്പുട്ട് ഉള്ള ഒരു പുതിയ ഡിസ്‌പ്ലേ മെറ്റീരിയലാണ് എസ്എല്‍ഇഡി. അടുത്ത മാസം നടക്കാനിരിക്കുന്ന പരിപാടിയില്‍ റിയല്‍മി ബഡ്‌സ് എയര്‍ പ്രോ, റിയല്‍മി വാച്ച് എസ് പ്രോ എന്നിവയും പുറത്തിറക്കുമെന്നാണ് സൂചന.
