വിഷ്ണു പ്രതാപ്-
ന്യൂഡല്ഹി: ഇന്ത്യന് ഇനുചക്രവാഹന വിപണിയിലെ രാജകീയ വാഹനമോഡലായിരുന്നു റോയല് എന്ഫീല്ഡ് ക്ലാസിക് 350.
ബുള്ളറ്റ് എന്നറിയപ്പെടുന്ന ഈ വാഹനം വിപണിയില് ഒരു തരംഗമായിരുന്നു ഈ മോഡല്. അടുത്തിടെ തലമുറ മാറ്റവും ലഭിച്ചതോടെ പോരായ്മകളെല്ലാം കമ്പനി പരിഹരിക്കുകയും ചെയ്തിരുന്നതായാണ് നിര്മ്മാതകള് അറിയിച്ചത്.
എന്നാല് ഈ പുതുതലമുറ (2021) റോയല് എന്ഫീല്ഡ് ക്ലാസിക് 350 മോട്ടോര്സൈക്കിളിന്റെ ഒരു ലക്ഷം യൂണിറ്റ് വാഹനങ്ങള് ഉത്പാദിപ്പിച്ച കമ്പനി ദിവസങ്ങള്ക്ക് ശേഷം ക്ലാസിക് 350 മോഡലുകളെ തിരികെ വിളിച്ചിരിക്കുകയാണ്.
ഈ വര്ഷം സെപ്റ്റംബറിനും ഡിസംബറിനുമിടയില് നിര്മ്മിച്ച 26,300 മോട്ടോര്സൈക്കിളെ ബാധിച്ച ചില സാങ്കേതിക തകരാറിനാലാണ് കമ്പനിഈ നടപടി എടുത്തിരിക്കുന്നത്.
റോയല് എന്ഫീല്ഡ് പറയുന്നതനുസരിച്ച് മോട്ടോര്സൈക്കിളിന്റെ സ്വിംഗ് ആര്മില് ഘടിപ്പിച്ചിരിക്കുന്ന ബ്രേക്ക് റിയാക്ഷന് ബ്രാക്കറ്റ്, പ്രത്യേകമായി 2021 സിംഗിള് ചാനല് ABS ലും റിയര് ഡ്രം ബ്രേക്ക് ക്ലാസിക് 350 മോട്ടോര്സൈക്കിളുകളിലും ഉപയോഗിച്ചിരിക്കുന്ന ഭാഗങ്ങളിലൊന്നിലാണ് തകരാറ് സംഭവിച്ചതായി കണ്ടെത്തിയിരിക്കുന്നത്.