രാംനാഥ് ചാവ്ല
ന്യൂഡല്ഹി: അടിസ്ഥാന പലിശനിരക്ക് 0.25 ശതമാനം കുറച്ച് റിസര്വ് ബാങ്ക് വായ്പാ നയം പ്രഖ്യാപിച്ചു. റിപ്പോ നിരക്ക് 6.25 ശതമാനത്തില് നിന്ന് ആറു ശതമാനമാക്കിയപ്പോള് റിവേഴ്സ് റിപ്പോ 5.75 ശതമാനമാക്കുകയും ചെയ്തു. കഴിഞ്ഞ ഏഴുവര്ഷത്തിനിടയിലെ ഏറ്റവും താഴ്ന്ന നിരക്കാണിത്. പലിശനിരക്കു കുറച്ചതോടെ ഭവന, വാഹന വായ്പാ നിരക്കുകള് കുറയാന് സാധ്യതയുണ്ട്.
പണപ്പെരുപ്പം കുറഞ്ഞതിന്റെ പശ്ചാത്തലത്തില് പലിശ നിരക്കുകള് കുറക്കണമെന്ന് ആവശ്യമുയര്ന്നിരുന്നു. കഴിഞ്ഞ തവണ നിരക്കുകളില് മാറ്റം വരുത്താത്തത് കേന്ദ്രസര്ക്കാറിന് അതൃപ്തിയുണ്ടാക്കിയിരുന്നു.