അജയ് തുണ്ടത്തില്‍-
തിരു: ഹെവന്‍ലി മൂവീസിന്റെ ബാനറില്‍ പ്രജീവ് സത്യവ്രതന്‍, ഫൈനല്‍സിനു ശേഷം നിര്‍മ്മിക്കുന്ന വിഷ്ണു ഉണ്ണികൃഷ്ണന്‍ നായകചിത്രം ”രണ്ടി”ന്റെ മ്യൂസിക് റിക്കോര്‍ഡിംഗ്, ചിത്രത്തിന്റെ സംഗീതസംവിധായകന്‍ ബിജിപാലിന്റെ എറണാകുളത്തെ ബോധി സ്റ്റുഡിയോയില്‍ നടന്നു. ചിത്രത്തില്‍ ഗാനരചന നിര്‍വ്വഹിച്ചിരിക്കുന്നത് റഫീഖ് അഹമ്മദാണ്.
റിക്കോഡിംഗിനു മുന്‍പുള്ള പൂജാചടങ്ങില്‍ സുജിത്‌ലാല്‍ (സംവിധായകന്‍), ബിനുലാല്‍ – ഉണ്ണി (തിരക്കഥാകൃത്ത്), വിഷ്ണു ഉണ്ണികൃഷ്ണന്‍, ടിനിടോം, ഇര്‍ഷാദ്, ബിജിപാല്‍, അനീഷ് ലാല്‍ (ഛായാഗ്രഹണം), കെ.കെ. നിഷാദ് (ഗായകന്‍), ജയശീലന്‍ സദാനന്ദന്‍ (പ്രൊഡക്ഷന്‍ കണ്‍ട്രോളര്‍), സതീഷ് മണക്കാട് (ഫിനാന്‍സ് – കണ്‍ട്രോളര്‍) എന്നിവര്‍ സംബന്ധിച്ചു. ഗള്‍ഫിലായിരുന്ന നിര്‍മ്മാതാവ് പ്രജീവ് സത്യവ്രതന്‍ ഓണ്‍ലൈനിലൂടെ ചടങ്ങിന് സാക്ഷ്യം വഹിച്ചു.
എല്ലാ മനുഷ്യരെയും ഒരുപോലെ കാണാന്‍ ശ്രമിക്കുന്ന ‘വാവ’ എന്ന നാട്ടിന്‍പുറത്തുകാരന്‍ ചെറുപ്പക്കാരന്റെ ജീവിതത്തിലൂടെയുള്ളൊരു യാത്രയാണ് രണ്ട്. അജയ്തുണ്ടത്തിലാണ് ചിത്രത്തിന്റെ പിആര്‍ഓ.
