ഫിദ-
സോഷ്യല്‍ മീഡിയയില്‍ കഴിഞ്ഞ ദിവസങ്ങളില്‍ പ്രചരിച്ച സാരി ഗ്ലാമര്‍ സുന്ദരി ആരെന്നായിരുന്നു എല്ലാവരുടെയും അന്വേഷണം. ചില ചൂടന്‍ ഫോട്ടോഷൂട്ട് ചിത്രങ്ങളാണ് സോഷ്യല്‍ മീഡിയയില്‍ പ്രചരിക്കുന്നത്. അധികം മേക്ക്അപ്പ് ഒന്നുമില്ലാതെ പച്ച ബ്ലൗസും പൂക്കളുമുള്ള ഇളം നിറത്തിലെ സാരിയുടുത്ത ഒരു സുന്ദരിയുടെ ചിത്രങ്ങളാണിത്. ഇതാരെന്നായിരുന്നു സോഷ്യല്‍ മീഡിയയില്‍ ആളുകള്‍ തെരഞ്ഞത്. ഒടുവില്‍ യുവതി ആരാണെന്ന് കണ്ടെത്തി.
തമിഴ് നടി രമ്യ പാണ്ഡ്യനായിരുന്നു ഗ്ലാമര്‍ ലുക്കില്‍ എത്തിയത്. തമിഴില്‍ നിരൂപക പ്രശംസ നേടിയ ‘ജോക്കര്‍’, ‘ആണ്‍ ദേവതൈ’ എന്നീ രണ്ട് ചിത്രങ്ങളില്‍ മാത്രം മുഖം കാണിച്ച നടിയാണിത്.
ചെന്നൈ തിരുനെല്‍വേലി സ്വദേശിനിയായ രമ്യ അണ്ണാ യൂണിവേഴ്‌സിറ്റിയില്‍ നിന്നും ബയോമെഡിക്കല്‍ എഞ്ചിനീയറിംഗ് പൂര്‍ത്തിയാക്കിയിട്ടുണ്ട്. അതിനുശേഷം ജോലി ചെയ്യുന്നതിനിടെയാണ് ഹ്രസ്വചിത്രങ്ങളില്‍ അഭിനയിക്കാന്‍ അവസരം ലഭിച്ചത്. ഇനി ഈ മേഖലയില്‍ തുടരാനാണ് രമ്യയുടെ നീക്കം.
