രാംനാഥ് ചാവ്‌ല
ബാഹുബലി ഫെയിം പ്രഭാസിന്റെ വിവാഹം ഈ വര്‍ഷം തന്നെ ഉണ്ടാകുമെന്ന് സൂചന. പ്രഭാസിന്റെ അമ്മാവനായ കൃഷ്ണം രാജുവാണ് ഇക്കാര്യത്തെ കുറിച്ച് സുചന നല്‍കിയത്. എന്നാല്‍ വിവാഹ വാര്‍ത്ത സ്ഥിരീകരിച്ചെങ്കിലും, ആരെയാണ് പ്രഭാസ് വിവാഹം കഴിക്കുക എന്നത് സംബന്ധിച്ച കാര്യങ്ങള്‍ക്ക് ഇനിയും കാത്തിരിക്കണം. വധുവിനെ കുറിച്ച് ഒരു പരാമര്‍ശം ബന്ധുക്കളോ പ്രഭാസോ നടത്തിയിട്ടില്ല.
പ്രഭാസിന്റെ വിവാഹത്തെക്കുറിച്ചുളള വാര്‍ത്തകള്‍ പരക്കാന്‍ തുടങ്ങിയിട്ട് കാലമേറെയായി. അതിനിടക്ക് അനുഷ്‌ക ഷെട്ടിയുമായി താരത്തിന്റെ വിവാഹം നടക്കുമെന്ന തരത്തില്‍ വാര്‍ത്തകള്‍ പ്രചരിച്ച് തുടങ്ങി. അനുഷ്‌കയുടെ പിറന്നാളിന് ആഡംബര കാര്‍ സമ്മാനമായി പ്രഭാസ് നല്‍കിയതും, പ്രഭാസിന്റെ പിറന്നാളിന് ഡിസൈനര്‍ വാച്ച് അനുഷ്‌ക സമ്മാനമായി നല്‍കിയതും ഗോസിപ്പ് വാര്‍ത്തകള്‍ക്ക് ആക്കം കൂട്ടി. എന്നാല്‍ ഇതു സംബന്ധിച്ച് ഉയര്‍ന്ന റൂമറുകള്‍ ഇരുവരും നിഷേധിക്കുകയായിരുന്നു.
