പാലക്കാട്: തപാല് വകുപ്പിനുകീഴിലുള്ള തപാല് പെയ്മെന്റ് ബാങ്കുകള് സംസ്ഥാനത്ത് നവംബറോടെ യാഥാര്ഥ്യമാകും. ആദ്യഘട്ടത്തില് തിരുവനന്തപുരം, എറണാകുളം, കോഴിക്കോട്, കോട്ടയം, മലപ്പുറം, തൃശ്ശൂര്, പാലക്കാട് ജില്ലകളിലാണ് പെയ്മെന്റ് ബാങ്ക് ആരംഭിക്കുക. രണ്ടാംഘട്ടത്തില് പത്തനംതിട്ട, കണ്ണൂര്, ഇടുക്കി, ആലപ്പുഴ, കൊല്ലം, കാസര്കോട്, വയനാട്, ലക്ഷദ്വീപ്, മാഹി എന്നിവിടങ്ങളിലടക്കം 16 ഇടത്ത് ബാങ്ക് സംവിധാനം നടപ്പിലാക്കും.
ബാങ്ക് എ.ടി.എം. കാര്ഡുകളുപയോഗിച്ച് ചെയ്യാന് സാധിക്കുന്ന എല്ലാ സേവനങ്ങളും നല്കുന്ന റുപേ കാര്ഡുകളും ഇത്തരം ബാങ്കുകളില് ലഭിക്കും. നെറ്റ് ബാങ്കിങ് സൗകര്യങ്ങളും അധികംവൈകാതെ ഏര്പ്പെടുത്തും. വായ്പ ഒഴികെയുള്ള ഒരുവിധം എല്ലാ ബാങ്കിംഗ് സേവനങ്ങളും ഈ ബാങ്കിലൂടെ ലഭ്യമാവും.