എഎസ് ദിനേശ്-
കൊച്ചി: മലയാളത്തിലെ പ്രമുഖ താരങ്ങള്‍ക്കൊപ്പം പുതുമുഖങ്ങള്‍ക്കും പ്രാധാന്യം നല്‍കി ഗിരീഷ് കുന്നമ്മല്‍ സംവിധാനം ചെയ്യുന്ന ചിത്രമാണ് ‘പ്ലാവില’.
ശ്രീമൂകാംബിക കമ്മ്യൂണിക്കേഷസിന്റെ ബാനറില്‍ നിര്‍മ്മിക്കുന്ന ഈ ചിത്രത്തിലെ ഗാനങ്ങള്‍ തിരുവനന്തപുരം ആരതി ഇന്‍ റിക്കോര്‍ഡ് സ്റ്റുഡിയോവില്‍ വെച്ച് റിക്കോര്‍ഡ് ചെയ്തു.
കൈതപ്രം രചിച്ച ഒരു താരാട്ടു പാട്ടിനും റഫീഖ് അഹമ്മദിന്റെ ഒരു ഗസലിനും പ്രമോദ് കാപ്പാട് എഴുതിയ രണ്ടു ഗ്രാമീണ ഗാനങ്ങള്‍ക്കും സംഗീതം പകരുന്നത് ഡോക്ടര്‍ കാഞ്ഞങ്ങാട് രാമചന്ദ്രനാണ്.
പി ജയചന്ദ്രന്‍, ജി വേണുഗോപാല്‍, മധു ബാലകൃഷ്ണന്‍, സിത്താര കൃഷ്ണ കുമാര്‍, ബേബി ശ്രേയ എന്നിവരാണ് ഗായകര്‍. കഥ തിരക്കഥ സംഭാഷണം- പ്രകാശ് വാടിക്കല്‍ എഴുതുന്നു.
ഛായാഗ്രഹണം- വി കെ പ്രദീപ്, പ്രൊഡക്ഷന്‍ കണ്‍ട്രോളര്‍- ബാദുഷ, കല- സ്വാമി,മേക്കപ്പ്- പട്ടണം ഷാ, വസ്ത്രാലങ്കാരം- കുമാര്‍ എടപ്പാള്‍, സ്റ്റില്‍സ്- രാകേഷ് പുത്തൂര്‍, എഡിറ്റര്‍- വി സാജന്‍, ചീഫ് അസോസിയേറ്റ് ഡറക്ടര്‍- കമല്‍ പയ്യന്നൂര്‍, ഫിനാന്‍സ് കണ്‍ട്രോളര്‍- ബാലന്‍ വി കാഞ്ഞങ്ങാട്, ഓഫീസ്സ് നിര്‍വ്വഹണം- എകെ ശ്രീജയന്‍, പ്രൊഡക്ഷന്‍ കോര്‍ഡിനേറ്റര്‍- ബിജു രാമകൃഷ്ണന്‍, കാര്‍ത്തിക വൈഖരി.
ജാതിഭ്രാന്തും മതവിദ്വേഷങ്ങളും വ്യക്തി താല്പര്യങ്ങളും നിമിത്തം തകര്‍ന്നു പോകുന്ന കുടുംബ ബന്ധങ്ങളെയും സാമൂഹ്യ ബന്ധങ്ങളെയും സ്‌നേഹത്തിന്റെയും കരുതലിന്റെയും ചേരുവ കൊണ്ട് തിരിച്ചു പിടിക്കാന്‍, ഗ്രാമ വിശുദ്ധിയും ദേശ പൈതൃകവും ചേര്‍ത്തു പിടിക്കേണ്ടതുണ്ട് എന്ന് ബോദ്ധ്യപ്പെടുത്തുന്ന ചിത്രമാണ് ‘പ്ലാവില’.
കോവിഡ് കാല പ്രതിസന്ധി മറികടക്കാന്‍ കോവിഡ് നിബന്ധനങ്ങള്‍ക്കു വിധേയമായി ഒറ്റ ലോക്കേഷനില്‍ അമ്പതില്‍ താഴെ അംഗങ്ങളുമായി ഒരു മാസം കൊണ്ട് ചിത്രീകരണം പൂര്‍ത്തിയാക്കുകയെന്നതാണ് ലക്ഷ്യമെന്ന് സംവിധായകന്‍ ഗിരീഷ് കുന്നേല്‍ പറഞ്ഞു. വാര്‍ത്ത പ്രചരണംഎ എസ് ദിനേശ്.
