എം.എം. കമ്മത്ത്-
കൊച്ചി: സിജു എസ് ബാവ തിരക്കഥയെഴുതി സംവിധാനം ചെയ്യുന്ന ഹ്രസ്വ ചിത്രമാണ് ‘പരിപ്പ്’.
കാരുണ്യമില്ലാത്ത വിശപ്പിനെ അതിജീവിക്കുന്ന കഥാ തുടര്ച്ചയായി ‘പരിപ്പ്’ ശ്രദ്ധേയമാകുകയാണ്.
നടന് ജോജു ജോര്ജിന്റെ ഇളയ മകന് ഇവാന് ജോര്ജ് ആണ് ‘പരിപ്പ്’ എന്ന ഹ്രസ്വ ചിത്രത്തില് നായകനായെത്തുന്നത്. ജോജു ജോര്ജിന്റെ മൂത്ത മകനും ഈ ചിത്രത്തില് മറ്റൊരു കഥാപാത്രത്തെ അവതരിപ്പിക്കുന്നുണ്ട് എന്ന പ്രത്യേകതയും ‘പരിപ്പിനുണ്ട്.
പുരോഗമനപരത തേടുന്ന ലോക സമൂഹത്തില് പ്രബുദ്ധതയുടെ പരമകോടിയിലാണ് ജീവിക്കുന്നതെന്നാണ് നമ്മള്ക്ക് മലയാളത്തിലുള്ള വിശ്വാസം.
ഒരു ജനതയുടെ പൊതു ഇടപെടലില് നാളിതു വരെയില്ലാത്ത അപചയകരമായ കൃത്യത്താല് അസ്വസ്ഥമായ മനസ്സുകളുടെ പ്രതിഫലനമാണ് ‘പരിപ്പ്’ എന്ന ഹ്രസ്വ ചിത്രം.
നേരമ്പോക്കുകളുടെ കുത്തൊഴുക്കില് ഒലിച്ചിറങ്ങി പോയ മലയന്റെ : മനുഷ്യന്റെ കഥ ഒന്പതു വയസ്സുകാരന് അലിമോന്റെ കാഴ്ചയില് ആവിഷ്കരിക്കാനുള്ള ശ്രമമാണ്.
ജോജു ജോര്ജിന്റെ തന്നെ നിര്മ്മാണ കമ്പനി ആയ ‘അപ്പു പാത്തു പപ്പു പ്രൊഡക്ഷ’ന്റെ ബാനറില് ജോജു ജോര്ജ് തന്നെയാണ് ‘പരിപ്പിന്റെ നിര്മ്മാണം നിര്വ്വഹിച്ചിരിക്കുന്നത്.
ജോജു ജോര്ജിന്റെ മകള് സാറാ റോസ് ജോസഫ് ഗാനം ആലാപിച്ചിരിക്കുന്നു എന്ന മറ്റൊരു എടുത്തു പറയേണ്ട പ്രത്യേകതയും ഈ ചിത്രത്തിനുണ്ട്.
ഇവാന് ജോര്ജിനെ കൂടാതെ രാജു, ശശികുമാര്, റെബി പോള്, കെവിന് പോള് റെബി, ജമീല, തങ്കമ്മ, അമ്മിണി, അയ്യപ്പന് കുട്ടി, ഇയാന് ജോര്ജ് ജോസഫ്,
ഫഹീം, റെജി, ഹര്ഷാദ്, സറൂഖ്, ജൈസല്, ജംഷീദ്, വര്ക്കി ജോര്ജ്, ധന്യ എന്നിവരാണ് മറ്റു പ്രധാന കഥാപാത്രളെ അവതരിപ്പിക്കുന്നത്.
ഛായാഗ്രാഹകന്: ബിലു ടോം മാത്യു, സംഗീതം: സാജു ശ്രീനിവാസ്, എഡിറ്റര്: വിനീത് പള്ളക്കാട്ട്, കലാസംവിധാനം: ജയകൃഷ്ണന്. എം, എക്സിക്യൂട്ടീവ് പ്രൊഡ്യൂസര്മാര്: ലിനോ ഫിലിപ്പ്, വിഷ്ണു.
ശബ്ദമിശ്രണം: അരുണ് വര്ക്കി, ഡിഐ: നികേഷ് രമേശ്, അസിസ്റ്റന്റ് ഡയറക്ടര്മാര്: ശ്രീനി, തസ്രീഖ്.