മുംബൈ: ഓണ്‍ലൈന്‍ ആയും മൊബൈല്‍ ആപ്പ് വഴിയും വായ്പ വാഗ്ദാനം ചെയ്ത് വന്‍ തട്ടിപ്പ് നടത്തിയ 113 ആപ്പുകള്‍ ഗൂഗിളില്‍ നിന്നും നീക്കം ചെയ്യും.
ഓണ്‍ലൈന്‍ ആയി വായ്പ നല്‍കാം എന്ന് പറഞ്ഞ് തട്ടിപ്പുകള്‍ നടത്തിയതായി ഇതു വരെ 50 കേസുകളാണ് റജിസ്റ്റര്‍ ചെയ്തിരിക്കുന്നത്. ഇതുമായി ബന്ധപ്പെട്ട് 113 ആപ്പുകള്‍ പ്ലേസ്‌റ്റോറില്‍ നിന്ന് നീക്കം ചെയ്യണമെന്ന് പോലീസ് ഗൂഗിള്‍ അധികൃതരോട് ആവശ്യപ്പെട്ടിട്ടുമുണ്ട്. ചില ആപ്പുകള്‍ ഇതിനകം പ്ലേസ്‌റ്റോര്‍ നീക്കം ചെയ്തുകഴിഞ്ഞു. ഹൈദരാബാദ്, സൈബരാബാദ്, വാറങ്കല്‍, രാജകൊണ്ട എന്നിവിടങ്ങളിലുള്ള പോലീസ് സ്റ്റേഷനുകളിലാണ് കേസ് റജിസ്റ്റര്‍ ചെയ്തിരിക്കുന്നത്.
