രാംനാഥ് ചാവ്‌ല-
ബോളിവുഡ് സുന്ദരി പ്രിയങ്ക ചോപ്രയും അമേരിക്കന്‍ ഗായകന്‍ നിക് ജോനാസും തമ്മിലുള്ള വിവാഹ നിശ്ചയം കഴിഞ്ഞുവെന്ന് റിപ്പോര്‍ട്ട്. ഹോളിവുഡ് സീരിയലുകളിലും സിനിമകളിലും സജീവമായതോടെ കഴിഞ്ഞ രണ്ടു വര്‍ഷമായി ബോളിവുഡില്‍ നിന്ന് അകന്നു നില്‍ക്കുകയായിരുന്നു പ്രിയങ്ക.
തന്നെക്കാള്‍ 10 വയസ് കുറഞ്ഞ അമേരിക്കന്‍ ഗായകന്‍ നിക് ജൊനാസുമായി പ്രണയത്തിലാണ് പ്രിയങ്ക. നിക്കിന് 25 വയസും പ്രിയങ്കക്ക് 36 വയസുമാണ്. ഹോളിവുഡിലെ വളരെ പ്രശസ്തനായ ഗായകനാണ് ഇരുപത്തിയഞ്ചുകാരനായ നിക് ജൊനാസ്. കഴിഞ്ഞ വര്‍ഷം നടന്ന മെറ്റ് ഗാല റെഡ് കാര്‍പെറ്റിലാണ് പ്രിയങ്കയും നിക്കും ആദ്യമായി ഒരുമിച്ച് പ്രത്യക്ഷപ്പെട്ടത്. പിന്നീട് പല വേദികളിലും ഇവര്‍ ഒരുമിച്ച് പ്രത്യക്ഷപ്പെട്ടിരുന്നു. ഇവരുടെ വിവാഹം ഉടന്‍ ഉണ്ടാവുമെന്നും റിപ്പോര്‍ട്ടുണ്ട്.
