വിഷ്ണു പ്രതാപ്
ന്യൂഡല്‍ഹി: പുതിയ 100 രൂപ നോട്ടുകള്‍ അച്ചടിക്കാന്‍ റിസര്‍വ് ബാങ്ക് ഒരുങ്ങുന്നു. അടുത്ത ഏപ്രിലോടെ അച്ചടി തുടങ്ങാനാണ് ശ്രമം. 200 രൂപയുടെ നോട്ട് ആഗസ്റ്റില്‍ പുറത്തിറങ്ങിയിരുന്നു. എന്നാല്‍, അത് ജനങ്ങളുടെ കൈയില്‍ ആവശ്യത്തിന് ഇനിയും എത്തിത്തുടങ്ങിയിട്ടില്ല.
എ.ടി.എമ്മുകളില്‍ ഉപയോഗിക്കാന്‍ പാകത്തില്‍ പഴയ 100 രൂപയുടെ അതേ വലുപ്പത്തില്‍തന്നെ പുതിയ 100 രൂപയും അച്ചടിക്കുമെന്നാണ് സൂചന. നോട്ട് നിരോധിച്ചപ്പോള്‍ ഇറക്കിയ 2000 രൂപയുടെ ആകൃതി വ്യത്യാസം എ.ടി.എമ്മുകളില്‍ വലിയ പ്രയാസം ഉണ്ടാക്കിയിരുന്നു.
