ഫിദ
അജോയ് വര്മയുടെ പുതിയ ചിത്രമായ നീരാളി എന്ന സിനിമയില് സുരാജ് വെഞ്ഞാറമൂട് പ്രധാന റോളില്. നായകനായ
മോഹന്ലാലിന്റെ സുഹൃത്തായ വീരപ്പയുടെ വേഷത്തിലാണ് സുരാജ് എത്തുന്നത്. ബംഗളൂരുവില് നിന്ന് കോഴിക്കോട് വരെയുള്ള ഒരു യാത്രയാണ് സിനിമയുടെ ഇതിവൃത്തം. യാത്രക്കിടെ ഒരു അപകടം സംഭവിക്കുന്നു. അത് എങ്ങനെ സംഭവിച്ചു. അതിന് ശേഷം എന്ത് സംഭവിച്ചു എന്നതൊക്കെയാണ് സിനിമ അനാവരണം ചെയ്യുന്നത്. സാജു തോമസാണ് ചിത്രത്തിന് തിരക്കഥ രചിക്കുന്നത്. പൂര്ണമായും ഒരു ത്രില്ലര് സിനിമയാണിത്.
മോഹന്ലാലിന്റെ ഭാര്യയുടെ വേഷത്തില് പഴയകാല നടി നാദിയ മൊയ്തു എത്തും. സായികുമാര്, ദിലീഷ് പോത്തന്, അനുശ്രീ, പാര്വതി നായര് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. മൂണ്ഷോട്ട് എന്റര്ടെയിന്മെന്റിന്റെ ബാനറില് സന്തോഷ് ടി.കുരുവിളയാണ് ചിത്രം നിര്മ്മിക്കുന്നത്.