മുപ്പതില്‍പരം സിനിമകളില്‍ ബാലതാരമായി അഭിനയിച്ച നയന്‍താരാ ചക്രവര്‍ത്തി നായികയാവനുള്ള തയ്യാറെടുപ്പിന്റെ മുന്നോടിയായി ബോഡി ഫിറ്റ്‌നസ് വരുത്താന്‍ വേണ്ടി തീവ്രമായ വര്‍ക്കൗട്ടില്‍ വ്യാപൃതയായിരിക്കയാണ്. താരം തന്നെയാണ് തന്റെ സോഷ്യല്‍ മീഡിയ പേജില്‍ ജിം സെന്ററില്‍ വ്യായാമം ചെയ്യുന്ന വീഡിയോ പങ്കു വെച്ചിട്ടുള്ളത്. ഈ വിഡിയോ ആരാധകരും ഏറ്റെടുത്തിരിക്കയാണ്. നേരത്തെ തന്നെ നയന്‍താര മെഗാ പ്രൊഡ്യൂസര്‍ കെ.ടി. കുഞ്ഞുമോന്‍ നിര്‍മ്മിക്കുന്ന ‘ജെന്റില്‍മാന്‍ 2’ലെ നായികയായി നിര്‍മ്മാതാവ് തന്നെ പ്രഖ്യാപിച്ചിരുന്നു. അതിനെ തുടര്‍ന്ന് മലയാളം, തെലുങ്ക് ഭാഷകളില്‍ നിന്നും നായികയായി ഒട്ടേറേ അവസരങ്ങള്‍ താരത്തെ തേടി എത്തുന്നുണ്ട് എങ്കിലും അഭിനയ സാധ്യതയുള്ള നല്ല കഥാപാത്രങ്ങളും സിനിമകളുമാണെങ്കില്‍ സ്വീകാര്യം എന്ന സിദ്ധാന്തത്തിലാണത്രെ. ഏതായാലും തെന്നിന്ത്യന്‍ സിനിമയില്‍ നായികയായി ചുവടുറപ്പിക്കാനുള്ള തീവ്ര പരിശീലനത്തിലും പരിശ്രമത്തിലുമാണ് നയന്‍താരാ ചക്രവര്‍ത്തി.
Video Courtesy: InFilm Productions
