വിഷ്ണു പ്രതാപ്-
ന്യൂഡല്‍ഹി: മ്യൂച്വല്‍ഫണ്ട് നിക്ഷേപകര്‍ക്ക് പ്രിയമേറുന്നു. അസറ്റ് മാനേജ്‌മെന്റ് കമ്പനികള്‍ നടപ്പുവര്‍ഷം ഏപ്രില്‍ജൂണില്‍ മാത്രം പുതുതായി ചേര്‍ത്തത് 51 ലക്ഷം നിക്ഷേപക അക്കൗണ്ടുകളാണ്.
ഓഹരിവിപണി തുടര്‍ച്ചയായി നഷ്ടത്തില്‍ വീഴുമ്പോഴും മ്യൂച്വല്‍ഫണ്ടുകളിലേക്ക് വന്‍തോതില്‍ നിക്ഷേപം ഒഴുകുന്നുവെന്നതാണ് കൗതുകം. മ്യൂച്വല്‍ഫണ്ട് നിക്ഷേപം സംബന്ധിച്ച അവബോധം ഉയരുന്നതും ഡിജിറ്റലായി പണം നിക്ഷേപിക്കാവുന്ന മാര്‍ഗങ്ങള്‍ വര്‍ദ്ധിച്ചതുമാണ് നിക്ഷേപകരെ ആകര്‍ഷിക്കുന്നതെന്ന് ഈ രംഗത്തെ കമ്പനികള്‍ പറയുന്നു.
ജനുവരിമാര്‍ച്ച് പാദത്തില്‍ മ്യൂച്വല്‍ഫണ്ടുകളിലേക്ക് പുതുതായി ചേര്‍ക്കപ്പെട്ടത് 93 ലക്ഷം നിക്ഷേപക അക്കൗണ്ടുകളായിരുന്നു. കഴിഞ്ഞ 12 മാസത്തിനിടെ 3.2 കോടി പുതിയ അക്കൗണ്ടുകള്‍ ചേര്‍ക്കപ്പെട്ടു.
